Tang ñemoñanga ha'e mburuvichakuéra ñemoñare mburuvichakuéra Chína pegua oisãmbyhy ary 618 guive amo 907 peve, ho'a rire pe Sui ñemoñanga.
Ko ñemoñanga tavusu ha'e akue Chang'an (táva ojeheróva ko'ãga Xi'an), kóva ko táva tuichavéva yvy ape ári upe aja.
Tang ñemoñanga rupive oñepyrũ peteĩ ára pukukue iporãitereíva Chína virurekokuaa, mba'aporekokuaa ha arandupýpe g̃uarã. Oiko rire pe ñorairõ umi tuyko kuéra rehe, oguereko jey ipoguýpe umi Tetãvore Kuarahyreikegua ha oipe'a jey pe Aopo'i Rape (ombojoajúva chupekuéra umi Eurásia retã ambuévare), hákatu oñehundi hikuái pe An Lushan ñemopu'ã rupive, sa'ary VIII jave. Vúda rape oñemotenondéva Tang oisãmbyhy aja.
Ko ñemoñanga ojejoko sapy'ami oisãmbyhývo Zhou ñemoñaga (周) (16 jasypa 690 – 3 jasyapy 705), oisãmbyhývo kuña mburuvichavete Wu Zetian, oñemomba'ekuévo hetã ñesãmbyhýgui ha oikóvo Chína kuña mburuvichavete peteĩha ha peteĩete. Upe rire, ojehechakuaa chupe Tang ñemoñanga mba'eteéva.
Opa rire ko ñemoñanga ary 907-pe, oñepyrũ ára pukukue Chíname ojeheróva "Po Ñemoñare ha Pa Tavetã" (ojehechárõguare ñorairõguasu ha sarambi Chína yvýpe).
This article uses material from the Wikipedia Avañe'ẽ article Tang ñemoñanga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.