Tadeo Zarratea (Táva Juti, 1946-pe) ha'e ñe'ẽngára, mombe'uhára ha ñeporoha'ãhára Paraguái pegua.
Omoñepyrũva'ekue hembiapo ñe'ẽporãhaipyrépe "Kalaíto Pombero" rupive, ohai ramo guare yma 1981-pe.
Upe rire oguenohẽva'ekue, 1989-pe, "Arandu Ka'aty", 22 mombe'urã mbykymi aty. Ko'ãva apytépe umi ojekuaavéva hína: "Elfinadorã" ha "Tio Rrei kasokuerakue". Carlos Martinez Gamba he'i "Elfinadorã" oĩha umi mombe'urã Paraguái pegua iporãvéva apytépe.
Ñeporoha'ã hembiapokuéva ohecháma añerrepresenta ramo "Mitã reko marã", mitãnguera mbovy'aharã ohaiva'ekue, ha "Karai Xuande", tetãyguára jehopa guasu rãimbore ohechaukáva.
Ñemombe'u hembihaikuéva ogueroikeva'ekue Feliciano Acosta iñarandukápe "Kai rekovekue", ha hemimbohasapyre guaraníme mombe'urãnguéra opa rupiete ojekuaáva oime "Morangu"-pe, Natalia Krivoshein de Canase rembiapopy. Guaraniñe'ẽ jekuaaukápe ojeporuva'erãva hembiapokue hína: "Gramática Elemental de la Lengua Guaraní", ha umi hapicha heko irũve ndive oguenohẽva'ekue katu "Avañe'ẽ" ha "Jaleéna guaraníme" Tadeo Zarratea omoimbaite voi tiempo oproivihague hembiapokue ñembohasa ambue ñe'ẽme. Kalaíto Pombéro niko tembiasagua'u ypykue Guarani ñe'ẽme, ha avei tenondére opavaite Amerika ñe'ẽme.
This article uses material from the Wikipedia Avañe'ẽ article Tadeo Zarratea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.