Tetã Poyvi oguereko mbohapy tysýi mboyke ijojáva: peteĩ pytã (tekojoja), morotĩ (py’aguapy) ha hovy (sãso).
Avei oguereko mokõi Tetã ra’ãnga ojoja’ỹva: peteĩ tenondépe he’iva “República del Paraguay" (petẽi palma ha petẽi olivo ojejokuáva iguýpe ha ojeíva ojuehe yvate gotyo ombokuaaporãva peteĩ mbyja sa’yju mimbíva apu’a hovy mbytépe) ha ambue hapykuépe he’iva “Paz y Justicia” (peteĩ leõ ha peteĩ gorro frigio –he’iséva sãso-).
Ñane retãme, ára 15 jasypoapy jave ojegueromandu’a Poyvi Ára. Poyvi niko tetã rechaukaha. Ipype oñeñongatu tetã rembiahasakue, tetã kerayvoty, tetã remiandu, tetã remimbyasy, tetã rembikuaa, tetã rembijerovia ha tetã rembihupytykue; amo hapópe, ipype oĩ ha ñañanduva’erã tetã rekove. Chupe jahayhuva’erã ha akóinte ñamomba’eguasuva’erã. Ipotĩmara’ỹva’erã. Araka’eve nañamongy’aiva’erã; ha tekotevẽramo, ñame’ẽva’erã ñande rekove hesehápe.
Kóva ha'e pe peteĩha poyvi oipuru akue Paraguái oipuruva 15 jasypokõi ary 1811 guive 16 jasypoteĩ ary 1811 peve. Kóva ha'e akue hovy paite ha oguereko peteĩ mbyja orekóva poteĩ punta.
Kóva ha'e pe mokõiha poyvi ojepuruva Paraguái retame, kóva katu ojepuru 17 jasypoteĩ ary 1811 guive 15 jasypoapy ary 1812 peve. Kóva oguereko peteĩ flanha pytãva yvate, peteĩ sa'yjuva mbytepe ha peteĩ hovy yvype.
Kóva ha'e pe mbohapyha poyvi ojepuru akue Paraguái-pe, kóva ojeipuru 15 jasypoapy ary 1812 guive 25 jasypateĩ ary 1842 peve, ary 1813 oje'ikuaa porãma kóva ha'eha Paraguái poyvi pyahu.
Kóva ha'e pe irundyha poyvi ojepuruva'ekue Paraguái retame, kóva ojogua pe trikolor-pe niko ko'ãngá umi pytã ha hovy tuichavema, avei oguereko Paraguái ekúdo 1842 pegua.
Iporãha che poyvi Paraguái!
Ohai ha ombopurahéi: Mauricio Cardozo Ocampo
Poyvi che Tetãygua ahayhuetéva, guarani yvága. Emblema sacrosanto che rekove-gua, jaikuaáta mbaʼéichapa ñañangarekóta vaʼerã ñamano meve. Oichaka trikolor che ahayhukuéra-gua, nde eichaka che erénsia: pytã mbohy'ãkua tekojoja, morotĩ katu ombohy'ãkua py'aguapy ha hovy katu ombohy'ãkua ñande sãso. Iporãiterei che poyvi paraguáigua ikuarahy'ã pojera akerecha sãso.
Ha'erã'i oichaka peteĩ gorro frigio, he'i "py'aguapy ha tekojoja", ha peteĩ Leõ; pe ikupepe peteĩ mbokaja aka ha olivo rogue pe mbyja vonansa-gua, oichaka che reta.
Yegros, Dr. Hyãsia ha Caballero ohecha nde reñói pe jasypokõime. Iturbe, Molas, Troche ha hetaitereive héroekuéra hikuái iñeha’ã nde pype. Los López ojapopa hikuái juruvu oguenohẽ pe nde tatatĩ. Mariscal ome’ẽ hekove oñangarekohape nde poyvi omano meve ñande Paraguái jahayhuetéva. pende ra’ykuéra heta ogerrea, che poyvi oipyhýta plena vy'a che ahayhuetéva Paraguái.
This article uses material from the Wikipedia Avañe'ẽ article Paraguái poyvi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.