Pindo Karai Arateĩ
Ndaipóri Hesukirito ohapykuehóvape g̃uarã peteĩ arapokõindy tuichavéva ha oñemomba’eguasuvéva ko Arapokõindy Marangatúgui.
Oñepyrũ Pindo Karai Arateĩme ñanemomandu'áva Hesukirito oikérõguare táva Jerusalén-me, tapichaita jehecharamo pa'ũme ha umi ára ha'e ohasa mboyve teko'asyete, mano ha jeikovejeýre.
Upéva rehegua, he'i Ñandejára Ñe'ẽme: Upérõ hemimbo’ekuéra oho ha ojapo Hesu Kirito he’ihaguéicha ichupekuéra. Ogueraha hikuái pe chavurro imemby reheve Hesúpe ha ha’ekuéra omoĩ hi’ári ijaokuéra ha Hesu ojupi. Ha maymáva oipyso ijaokuéra haperãme, ha ambuekuéra katu oikytĩ yvyrarakã ha omyasãi tape rehe.
Paraguay retã tuichakue javeve, upe arateĩme, yvyporakuéra ohua'ĩ tupãópe ogueromandu'ávo upe mba'e guasuete ojehuva'ekue ymaite. Upe ára mboyve, ogapýpe, ojejapómajepi opaichagua ta'ãnga pindo roguégui okakuaáva Paraguay retã tuichakue ha umi pindo niko pa'i ohovasa ha omongarai upe Pindo Karai Arateĩme.
Peteĩ tupão herakuã mombyrýva ha heta tapicha ohohápejepi pindo ñemongarairã niko Tupãsy La Candelaria Tupão oĩva Táva Kapiatápe, omotenondéva pa'i España-ygua ojehayhuetéva hérava José María Velazco, ha'éva ñembo'e guasu motenondehára, ohovasa ha omongaraíva pindo ha oisãmbyhýva jeguata ogueromandu'áva Hesukirito oikérõguare táva Jeresalen-me.
Joaju
***
This article uses material from the Wikipedia Avañe'ẽ article Pindo karai arateĩ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.