Mombe'ugua'ukuaa ha'e ñemombe'u apytu'ũguigua tavarandúgui ojojehe'áva ha ojapóva peteĩ arandupy térã jerovia.
Mba'e yma guive oñemombe'úva ha ogueroviáva, ombohovaiséva umi mba'e iñypytũ, hypy'ũ, ojehecha'ỹ ha ojeikuaaporã'ỹva, ha oñembohasa ñemoñare ha ñemoñare rupi.
Mombe'ugua'ukuaa avei oipyguara ko'ã ñemombe'u ha oheka mba'éichapa heñói ha ojepuru avano'õme. Kóva ohesa'ỹijo mba'épa he'ise ha omyesakãse mombe'ukuéra, upévare ndoikuaaséi iñañetetépa.
Mombe'ugua'u niko mba'e oñemombe'úva oúva tavarandúgui, ojejapóva oñemyesakã haguã yvypóra rekoha, teko ypykue, mba'e ojehúva yvy ha yvágape ha avei oimeraẽ mba'e ojehúva ndojekuaáiva ñemyesakã.
Kóva jepínte ojehecha jeroviapýpe avei, opaite orekógui hembiasakuépe ñemombe'u ndaikatúi ojekuaa porãitéva iñañeteteha. Sapy'ánte oje'e umi jerovia ymaguare rehe ha'eha mombe'ugua'u, techapyrã "mombe'ugua'u Gyrésia pegua" térã "mombe'ugua'ukuéra guarani", jaikuaa va'erã hetaite ogueroviáva hese ha umívape guarã iñañete ko'ã ñemombe'u.
This article uses material from the Wikipedia Avañe'ẽ article Mombe'ugua'ukuaa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.