Os Xirasoles Cegos: Filme de 2008 dirixido por José Luis Cuerda
Os xirasoles cegos é unha coprodución galega de 2008, dirixida por José Luis Cuerda, baseada na novela homónima de Alberto Méndez.
Foi rodada en lingua castelá en Ourense (entre outras localizacións) no verán de 2007, a súa estrea foi o 29 de agosto de 2008. Está protagonizada por Maribel Verdú e Javier Cámara, e no seu elenco figuran ademais actores galegos coma Martiño Rivas ou José Ángel Egido.
| Os xirasoles cegos | |
|---|---|
| Ficha técnica | |
| Título orixinal | Los girasoles ciegos |
| Director | José Luis Cuerda |
| Produtor | Javier Alén José Luis Cuerda Emiliano Otegui |
| Guión | Rafael Azcona José Luis Cuerda |
| Intérpretes | Maribel Verdú Javier Cámara Roger Príncep Irene Escolar Martiño Rivas Raúl Arévalo José Ángel Egido Carmen Losa Miguel de Lira |
| Fotografía | Hans Burmann |
| Estrea | 2008 |
| Duración | 95 minutos |
| Orixe |  España |
| Xénero | Drama |
| Orzamento | 5 000 000 € |
| Recadación | 4 203 648,64 € |
| Na rede | |
| http://www.girasolesciegos.com/paginas/menu.html | |
       | |
Sinopse
Ambientada na posguerra, Os xirasoles cegos conta a historia de Elena (Maribel Verdú), nai dun fillo pequeno, Lorenzo (Roger Princep), e cuxa filla máis vella adolescente, Elenita (Irene Escolar), fuxiu embarazada co seu mozo Lalo (Martiño Rivas), perseguido pola policía.
Tamén o seu marido Ricardo (Javier Cámara) vive agochado, neste caso nun buraco no dormitorio da parella, de xeito que Salvador (Raúl Arévalo), un diácono que pensa en colgar os hábitos, pensa que é viúva, obsesiónase con ela e comeza a acosala.
Personaxes
- Maribel Verdú como Elena López Reinares
- Javier Cámara como Ricardo Mazo Torralba
- Raúl Arévalo como Salvador
- Roger Príncep como Lorenzo Mazo López
- Martiño Rivas como Eulalio 'Lalo' Peciña
- Irene Escolar como Elena Mazo López
- José Ángel Egido como reitor
- Ricardo de Barreiro como Fernández
Premios
- Optou a 15 premios Goya en 2008, pero só acadou un, o de guión adaptado, para José Luis Cuerda e Rafael Azcona.
Véxase tamén
Outros artigos
- Filmes de España propostos ó Óscar ó mellor filme internacional
- Filmes propostos ó mellor filme internacional na 81ª edición dos Óscar
Ligazóns externas
This article uses material from the Wikipedia Galego article Os xirasoles cegos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.