Mehmet Ismail Shehu, nado o 10 de xaneiro de 1913 e finado o 18 de decembro de 1981, foi un político comunista albanés que foi o vixésimo terceiro primeiro ministro de Albania de 1954 a 1981.
Biografía | |
---|---|
Nacemento | 10 de xaneiro de 1913 Çorrush, Albania |
Morte | 17 de decembro de 1981 (68 anos) Tirana, Albania |
Causa da morte | Suicidio (Ferida por arma de fogo ) |
Ministro de Defensa | |
28 de outubro de 1974 – 18 de decembro de 1981 | |
23º Primeiro ministro de Albania | |
20 de xullo de 1954 – 17 de decembro de 1981 ← Enver Hoxha – Adil Çarçani → | |
Datos persoais | |
País de nacionalidade | Albania |
Relixión | Ateísmo |
Educación | Escola Militar Nunziatella |
Actividade | |
Ocupación | político |
Partido político | Partido do Traballo de Albania |
Lingua | Lingua albanesa |
Carreira militar | |
Rama militar | Brigadas Internacionais |
Rango militar | Xeneral |
Conflito | Guerra civil española |
Familia | |
Cónxuxe | Fiqrete Shehu |
Fillos | Bashkim Shehu (en) |
En 1938 incorporouse ás Brigadas Internacionais en España e loitou como oficial no 4º Batallón da Brigada Garibaldi italiana. Membro do Partido Comunista Español, trasladouse a Francia tras a vitoria de Franco e alí foi internado entre 1939 e 1942. Foi entregado polo goberno de Vichy aos fascistas que o enviaron a Tirana. Deixou a compañía da súa escolta e uniuse aos maquis e ao Partido Comunista de Albania. Comandante da 1ª Brigada do Exército de Liberación Nacional desde 1943, Mehmet Shehu participou na batalla de Gjorm o 1 de xaneiro, na liberación de Tepelena o 10 de setembro e na liberación de Tirana o 8 de novembro de 1944.
Como un recoñecido táctico militar, sen cuxo liderado os partisanos comunistas ben puideron fracasar na causa marxista-leninista, Shehu mostrou unha comprensión ideolóxica e unha ética de traballo que o sinalaron para unha rápida promoción no partido comunista.
Mehmet Shehu compartiu o poder con Enver Hoxha dende o final da segunda guerra mundial. Segundo fontes oficiais do goberno albanés, suicidouse o 18 de decembro de 1981, tras o cal a súa familia foi detida. Con todo, persisten rumores de que Shehu foi asasinado por orde de Hoxha.
This article uses material from the Wikipedia Galego article Mehmet Shehu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.