Manuel Ruiz Rivas: Político galego
Manuel Santos Ruiz Rivas, nado en Ribeira o 4 de novembro de 1957, é un político galego do PPdeG.
  | |
| Biografía | |
|---|---|
| Nacemento | 4 de novembro de 1957 (66 anos) Ribeira, España |
| Alcalde | |
| | |
| Datos persoais | |
| País de nacionalidade | España |
| Actividade | |
| Lugar de traballo | Ribeira |
| Ocupación | político |
| Lingua | Lingua castelá |
Traxectoria
É licenciado en Dereito. Exerceu a avogacía como procurador dos Tribunais e foi xestor de actividades deportivas. Foi cabeza de lista do CDS en Ribeira nas eleccións municipais de 1987 e foi elixido concelleiro, pactando un goberno con AP e a CPG que fixo alcalde ao aliancista Ricardo Pérez Queiruga e sendo tenente de alcalde. Dende as municipais de 1991 foi o número 2 da candidatura do PPdeG encabezado por José Luis Torres Colomer, sendo primeiro tenente de alcalde e portavoz do grupo municipal ata a súa renuncia como edil en agosto de 2006. Desta forma pasou a centrarse no posto de deputado no Parlamento de Galicia que exercía dende 1993, chegando a ser o portavoz do PPdeG na cámara a partir de 2009.
Nas eleccións municipais de 2011 regresou á política municipal como novo candidato á alcaldía de Ribeira en substitución de Torres Colomer, sendo elixido alcalde ao lograr a maioría absoluta, polo que tivo que renunciar ao seu posto de deputado. Nas municipais de 2015 perdeu a maioría absoluta, pasando de 13 a 9 concelleiros, polo que foi reelixido alcalde como candidato da forza máis votada, contando coa abstención dos concelleiros de Cidadáns. Nas eleccións municipais de 2019 acadou de novo a alcaldía como cabeza da lista máis votada, de novo con 9 concelleiros, ó non chegar as demais forzas a un acordo. Nas municipais de 2023 encabezou de novo a candidatura do PPdeG e subiu ata os 10 concelleiros, mais non conservou a alcaldía dado que os demais grupos pactaron un goberno alternativo que fixo alcalde ó nacionalista Luís Pérez Barral. Foi candidato popular ao Senado nas eleccións xerais de España de 2023 e resultou elixido senador.
Notas
Véxase tamén
Outros artigos
Ligazóns externas
- Ficha no Parlamento de Galicia Arquivado 18 de setembro de 2010 en Wayback Machine.
- Entrevista Arquivado 04 de marzo de 2016 en Wayback Machine. en El Correo Gallego
| Predecesor: José Luis Torres Colomer |  Alcalde de Ribeira 2011 - 2023 | Sucesor: Luís Pérez Barral |
This article uses material from the Wikipedia Galego article Manuel Ruiz Rivas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.