Escuadrón Suicida: Filme de 2016 dirixido por David Ayer
Escuadrón Suicida (en inglés, Suicide Squad) é un filme estadounidense de superheroes baseado no equipo de antiheroes de DC Comics Suicide Squad.
É o terceiro filme do universo DC Extended Universe. O filme foi escrito e dirixido por David Ayer e está protagonizado por Will Smith, Jared Leto, Margot Robbie, Joel Kinnaman, Viola Davis, Jai Courtney, Jay Hernandez, Adewale Akinnuoye-Agbaje, Ike Barinholtz, Scott Eastwood e Cara Delevingne. En Suicide Squad, unha axencia secreta do goberno liderada por Amanda Waller recruta a super villanos encarcerados para levar a cabo misións e salvar o mundo dunha grande ameaza, en troques de reducir as súas condenas. O desenvolvemento do filme comezou no 2009, por Warner Bros. Pictures. Ayer asinou para escribir e dirixir en setembro de 2014, e en outubro, comezou o proceso de casting. A fotografía principal comezou o 13 de abril de 2015, en Toronto, Ontario, con rodaxes adicionais en Chicago, Illinois, e rematou en agosto dese mesmo ano.
| Escuadrón Suicida | |
|---|---|
 | |
| Ficha técnica | |
| Título orixinal | Suicide Squad |
| Director | David Ayer |
| Produtor | Charles Roven Richard Suckle |
| Guión | David Ayer |
| Baseado en | Personaxes de DC Comics |
| Intérpretes | Will Smith Jared Leto Margot Robbie Joel Kinnaman Viola Davis Jai Courtney Jay Hernandez Adewale Akinnuoye-Agbaje Ike Barinholtz Scott Eastwood Cara Delevingne |
| Música | Steven Price |
| Fotografía | Roman Vasyanov |
| Montaxe | John Gilroy |
| Estudio | DC Entertainment RatPac-Dune Entertainment Atlas Entertainment |
| Distribuidora | Warner Bros. Pictures |
| Estrea |  1 de agosto de 2016 29 de xullo de 2020 (TVG) |
| Duración | 123 minutos |
| Orixe |  Estados Unidos |
| Xénero | Acción |
| Orzamento | $175 000 000 |
| Recadación | $743 400 000 |
| Na rede | |
| https://www.warnerbros.com/movies/suicide-squad/ | |
             | |
Escuadrón Suicida estreouse en Nova York o 1 de agosto de 2016 e foi estreado nos Estados Unidos o 5 de agosto de 2016, en 2D, 3D e IMAX 3D. Despois dun gran comezou que estabeleceu novos récords de recadación, o filme conseguiu máis de $743 millóns en todo o mundo; converténdose no oitavo filme con máis recadación de 2016. Recibiu críticas negativas, que consideraron a trama confusa, a dirección axitada e as personaxes mal escritas. Malia isto, a interpretación de Margot Robbie foi eloxiada.
Emitiuse en galego o 29 de xullo de 2020 na TVG. O director de dobraxe foi Antón Rubal e foi traducido por Andrea Ucha Bouzada.
Personaxes
- Will Smith como Floyd Lawton / Deadshot
- Voz da dobraxe galega de Matías Brea.
- Jared Leto como Joker
- Voz da dobraxe galega de Óscar Fernández.
- Margot Robbie como Harleen Quinzel / Harley Quinn
- Voz da dobraxe galega de Isabel Vallejo.
- Joel Kinnaman como Rick Flag
- Viola Davis como Amanda Waller
- Voz da dobraxe galega de Charo Pena.
- Jai Courtney como George "Digger" Harkness / Capitán Boomerang
- Jay Hernandez como Chato Santana / El Diablo
- Adewale Akinnuoye-Agbaje como Waylon Jones / Killer Croc
- Cara Delevingne como June Moone / Enchantress
- Karen Fukuhara como Tatsu Yamashiro / Katana
- Ike Barinholtz como Griggs
- Scott Eastwood como GQ Edwards
- Adam Beach como Christopher Weiss / Slipknot
Ben Affleck e Ezra Miller recuperan os seus papeis de Batman contra Superman: O amencer da xustiza como Bruce Wayne / Batman e Barry Allen / Flash, respectivamente.
Futuro
A escena de crédito medio do filme leva ao filme de 2017 A Liga da Xustiza. Ademais, houbo varios spin-offs e secuelas anunciadas en fase de desenvolvemento:
Secuela
En febreiro de 2019, confirmouse que Margot Robbie repetiría o seu papel de Harley Quinn. En marzo de 2019, The Hollywood Reporter anunciou que Idris Elba foi elixido como Deadshot, en substitución de Will Smith, que abandonou debido a conflitos de programación. En abril de 2019, David Dastmalchian e Daniela Melchior foron elixidos como Polka-Dot Man e Ratcatcher, mentres que John Cena estaba en conversacións para o papel de Peacemaker.
Notas
Véxase tamén
Wiki Commons ten máis contidos multimedia na categoría: Escuadrón Suicida  |
Ligazóns externas
- Páxina oficial (en inglés)
- Escuadrón Suicida na IMDb (en inglés).
- Ficha en BoxOfficeMojo (en inglés)
- Ficha en RottenTomatoes (en inglés)
This article uses material from the Wikipedia Galego article Escuadrón Suicida, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.