Entrimo é un concello da provincia de Ourense, que pertence á comarca da Baixa Limia.
En 2014 tiña 1323 habitantes, segundo o padrón municipal (1386 en 2003). O seu xentilicio (véxase no Galizionario) é «entrimés».
Entrimo | |
---|---|
Situación | |
Xentilicio | entrimés/entrimesa |
Xeografía | |
Provincia | Provincia de Ourense |
Comarca | Comarca da Baixa Limia |
Poboación | 1.098 hab. (2023) |
Área | 85,4 km² |
Densidade | 12,86 hab./km² |
Entidades de poboación | 5 parroquias |
Capital do concello | A Terrachá |
Política (2023 ) | |
Alcalde | Ramón Alonso López (PSdeG) |
Concelleiros | PPdeG: 2 PSdeG-PSOE: 7 |
Eleccións municipais en Entrimo | |
Uso do galego (2011) | |
Galegofalantes | 79,57% |
Na rede | |
http://www.concelloentrimo.es/ | |
[ editar datos en Wikidata ] |
O concello, de 85,43 km², abrangue 5 parroquias e 18 lugares. Limita ao norte con Melgaço (Portugal), ao nordeste con Lobeira, ao sueste con de Lobios a través do río Limia (encoro de Lindoso no sur), e ao oeste con Arcos de Valdevez a través do río Barcia e con Castro Laboreiro (Melgaço).
É un concello de orografía montañosa, cunha altitude media de 511,4 m sobre o nivel do mar. Ao oeste do concello están as serras do Quinxo, e ao leste a serra de Queguas (extremo Oriental).
Na zona hai restos de asentamentos humanos desde a época do megalitismo, como as mámoas de San Fiz. Da época castrexa son os castros do Monte do Quinxo, a Pía da Moura e o Penedo das Serpes. Antes da romanización de Galicia, a zona estaba habitada polos quarquernos.
A toponimia dos montes Lumiares e Penedo da Facha parece indicar lugares onde se facían fogueiras de sinais.
O topónimo Entrimo aparece como Interimi nun documento de concordia do 6 de xaneiro de 1149, entre o bispo Martiño de Ourense e o abade Paio de Celanova. O mosteiro de Celanova exerceu dominio xurisdicional sobre varias aldeas durante bastante tempo. O abade era copartícipe do Rei, e nomeaba xuíces ordinarios e cobraba as rendas.
O 15 de xaneiro de 1368 a zona a zona foi doada xunto coas de Lobeira, Araúxo e Abelenda por Henrique II a Xoán Rodríguez de Biedma, principal secuaz dos Trastámara. A doazón foi feita antes de que Henrique tivese a coroa nin dominio de Galicia. Posteriormente, a herdanza dos Biedma pasou a mans do Condado de Monterrei. Con todo os Trastámara cederon a xurisdición de Entrimo a Diego Pérez Sarmiento, conde de Santa Marta, pasando despois ao condado de Ribadavia.
En marzo de 1608 o rei Filipe III eximiu a Entrimo de cargas militares polo estado constante de alarma debido á situación na fronteira con Portugal. A zona sufriu incursións, requisas de gando e colleitas e queima de arquivos. Esta exención foi confirmada o 30 de xullo de 1643 por Filipe IV.
En 1909 apareceu en Entrimo o periódico Picaraño, subtitulado Periódico Republicano Radical Revolucionario.
Censo total | 1323 (2014) |
Menores de 15 anos | 70 (5,29 %) |
Entre 15 e 64 anos | 719 (54,35 %) |
Maiores de 65 anos | 534 (40,36 %) |
Evolución da poboación de Entrimo Fontes: INE e IGE. | ||||||||||||||||||
1900 | 1930 | 1950 | 1981 | 2004 | 2009 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 |
3389 | 3602 | 3257 | 2777 | 1370 | 1367 | 1398 | 1391 | |||||||||||
(Os criterios de rexistro censual variaron entre 1900 e 2004, e os datos do INE e do IGE poden non coincidir.) |
Entre o seu patrimonio destaca a igrexa de Santa María a Real.
Galicia | Provincia de Ourense | Parroquias de Entrimo | |
---|---|
Entrimo (Santa María a Real) | Galez (San Fiz) | A Illa (San Lourenzo) | A Pereira (San Facundo) | Venceáns (San Tomé) |
Para unha lista completa de todos os lugares do concello de Entrimo vexa: Lugares de Entrimo.
Wiki Commons ten máis contidos multimedia na categoría: Entrimo |
This article uses material from the Wikipedia Galego article Entrimo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.