Chocolat Suchard
Chocolat Suchard é unha marca comercial enfocada á fabricación e venda de chocolate fundada en 1826 polo suízo Philippe Suchard na cidade de Neuchâtel e pertencente ao grupo multinacional de alimentación Mondelēz International.
Historia
En 1826, Philippe Suchard funda a súa fábrica na cidade de Neuchâtel (Suíza), simultaneamente a outra fábrica en Serrières. En 1879, a sociedade abre a súa primeira fábrica internacional en Rötteln, Alemaña. En 1901 ve nacer a marca Milka.
En 1930 fúndase a casa Suchard, 10 anos despois é trasladada de Neuchâtel a Lausana. En 1970, fusiónase con Chocolat Tobler, famoso polo Toblerone e toma o nome de Interfood S.A. En 1982 Klaus Johann Jacobs adquire a maioría do capital e intégrao no seu grupo, que se converte en Jacobs Suchard S.A..
En 1990 é o ano do fin da produción de chocolate en Neuchâtel, trasladándose a produción a outros países.
Principais produtos
- Turrón de Suchard
- A barra de chocolate Suchard Express
- Chocolatinas e tabletas de chocolate Suchard
- O chocolate con leite La-Do-Ré (xogo de palabras en francés l'adoré, que en galego significa encántame)
- Caramelos Sugus.
Notas
This article uses material from the Wikipedia Galego article Chocolat Suchard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.