A bandeira de Hong Kong, oficialmente a bandeira rexional da Rexión Administrativa Especial de Hong Kong da República Popular da China, (en chinés: 中華人民共和國香港特別行政區區旗) amosa unha flor branca estilizada de cinco pétalos a orquídea de Hong Kong (Bauhinia blakeana) no centro dun campo vermello chinés.
O seu deseño orixinal foi presentado o 4 de abril de 1990 na Terceira Sesión do Sétimo Congreso Nacional Popular. O deseño actual foi aprobado o 10 de agosto de 1996 no Cuarto Pleno do Comité Preparatorio da Rexión Administrativa Especial de Hong Kong. O uso preciso da bandeira está regulado polas leis aprobadas pola 58 reunión executiva do Consello de Estado celebrado en Pequín. O deseño da bandeira está consagrado na Lei Básica de Hong Kong, o documento constitucional do territorio, e as normas relativas ao uso, prohibición de uso, aldraxe e fabricación da bandeira están recollidas na Ordenanza Rexional de Bandeira e Emblema Rexional. A bandeira de Hong Kong foi adoptada e izada oficialmente o 1 de xullo de 1997, durante a cerimonia de entrega que marcaba a transferencia da soberanía do Reino Unido a China.
Bandeira de Hong Kong | |
---|---|
Características | |
Uso | |
Proporción | 2:3 |
Adopción | 1 de xullo de 1997 |
Cores | Vermello Branco |
Wiki Commons ten máis contidos multimedia na categoría: Bandeira de Hong Kong |
This article uses material from the Wikipedia Galego article Bandeira de Hong Kong, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.