Anna María Iglesia Pagnotta nada en Granada no 1986 é unha xornalista, ensaísta e tradutora cultural española.
Biografía | |
---|---|
Nacemento | 1986 (37/38 anos) Granada, España |
Datos persoais | |
País de nacionalidade | España |
Educación | Universidade de Barcelona |
Actividade | |
Ocupación | arts journalist (en) , ensaísta , tradutora |
Licenciada en Filoloxía Italiana e en Teoría da Literatura e Literatura Comparada pola Universidade de Barcelona, doutorouse alí coa tese La narrativa del espacio urbano y sus prácticas. París del siglo XIX y la aflânerie.
Como xornalista cultural, colaborou con diferentes medios –The Objective, El Confidencial, Nueva Revista, Mercurio, La sphere de Papel–, escribindo principalmente sobre literatura e mundo editorial. É redactora xefa da revista literaria Librújula, onde se encarga tanto da edición bimestral en papel como da edición dixital.
Como autora, o seu primeiro libro foi La revolución de las flâneuses (Wunderkammer, 2019), un ensaio nacido da temática da súa tese no que as mulleres ocupan o espazo público do século XIX como figura literaria do cabaleiro paseante, flâneur, en Francia ao mesmo tempo.Neste libro, defende o dereito das mulleres a ocupar as rúas polo sinxelo pracer de facelo, mais non soamente iso, tamén como crítica e voz pública.Iglesia sinala que na súa opinión, en termos históricos e sociolóxicos non se pode afirmar que as mulleres do século XVIII e sobre todo do XIX, cando se asenta a figura do flâneur gozaban da mesma situación cos homes. Deste xeito, fai un percorrido crítico da vida das flâneuses e reune un numeroso grupo de escritoras, pensadoras e activistas como Flora Tristán, George Sand, Virginia Woolf, Luisa Carnés o as mulleres pertencentes a Xeración do 27, coñecidas como "Las Sinsombrero", poñendo en valor a súa existencia
"a súa vontade de facerse presente no espazo urbano e reclamar unha voz de seu deu paso a unha serie de dereitos pendentes de consolidar: dereito a ocupar as rúas, dereito a mirar sen ser vistas, dereito a non consumir e non ser consumidas, dereito a existir en solitario e dereito a autoría".
Entre algunhas das súas traducións está Regalos de invierno de Collete ou Palabra de Lorca ao francés e ao italiano.
Como autora:
This article uses material from the Wikipedia Galego article Anna María Iglesia Pagnotta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.