A forza do cariño (en versión orixinal inglesa Terms of Endearment) é un filme estadounidense dirixido, producido e escrito por James L.
Brooks">James L. Brooks que se estreou en 1983. É unha adaptación da novela de Larry McMurtry, e está protagonizada por Shirley MacLaine, Debra Winger, Jack Nicholson, Danny DeVito, Jeff Daniels e John Lithgow. A historia abrangue 30 anos da relación entre Aurora Greenway (MacLaine) e a súa filla Emma (Winger).
A forza do cariño | |
---|---|
Ficha técnica | |
Título orixinal | Terms of Endearment |
Director | James L. Brooks |
Produtor | James L. Brooks |
Guión | James L. Brooks |
Baseado en | Terms of Endearment de Larry McMurtry |
Intérpretes | Shirley MacLaine Debra Winger Jack Nicholson Danny DeVito Jeff Daniels John Lithgow |
Música | Michael Gore |
Fotografía | Andrzej Bartkowiak |
Montaxe | Richard Marks |
Distribuidora | Paramount Pictures |
Estrea | 23 de novembro de 1983 |
Duración | 131 minutos |
Orixe | Estados Unidos |
Xénero | Drama |
Orzamento | $8 000 000 |
Recadación | $108 423 489 |
Na rede | |
O filme recibiu 11 nomeamentos ós Premios Oscar e gañou cinco. Brooks gañou o premio polo mellor filme, mellor director e mellor guión adaptado, mentres que MacLaine gañou o Oscar á mellor actriz e Nicholson gañou o Oscar ó mellor actor secundario. Ademais, gañou catro Globos de Ouro.
Aurora (Shirley MacLaine) e Emma (Debra Winger) son unha nai e unha filla moi unidas, pero con puntos de vista moi distintos sobre a vida. Aurora, que está viúva, é unha muller temperamental pero de bo corazón, e Emma é unha moza rebelde que está desexando saír de casa e independizarse; o malo é que para conseguilo segue o camiño máis convencional: casar. Pola súa parte, Aurora ten un romance cun exastronauta (Jack Nicholson). A través dos anos, nai e filla intentan sempre buscar o mellor xeito de soportarse e atopar a felicidade.
This article uses material from the Wikipedia Galego article A forza do cariño, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.