'S e baile beag eadar Ivano-Frankivsk agus Chernivtsi san Ucràin a th' ann an Zalishchyky (Ucràinis: Заліщики, Pòlais: Zaleszczyki, Iùdais זאַלישטשיק, Gearmailtis: Hinterwalden, IPA: zɑːliʃˈtʃiːki).
Zalishchyky Заліщики
| |||||
Suidheachadh | |||||
Dùthaich | An Ucràin | ||||
Ceàrn | Ternopilska Oblast | ||||
Sgìre | Ternopilskyi Raion | ||||
Co-chomharran | 48° 39 00' Tuath 25° 44 00' Ear | ||||
Feartan fiosaigeach | |||||
Farsaingeachd | 7.16 km² | ||||
Àireamh-shluaigh | 9,021 (2021) | ||||
Dlùths | 1,259.92/km² | ||||
Àireamh fòn | + 380 3554 | ||||
Duilleag oifigeil | Duilleag Oifigeil |
Tha e suidhichte air an àirde an iar na dùthcha, ri taobh na h-Aibhne Dnipro, san roinn Ternopilska Oblast. Tha 9,021 duine a' fuireach ann.
'S ann à dà fhacal ann an Ucràinis: за (air chùlaibh) agus ліс (coille) 's a tha an t-ainm agus 's e na tha an t-ainm ann an Gearmailtis a' ciallachadh cuideachd (Hinterwalden). A dh'aindeoin sin, tha cuid a dhaoine dhen bheachd gur ann à ліщи́на (cnò-calltainn).
Chaidh am baile a chlàradh airson a' chiad turais ann an 1340. Bha Zalichtchyky na phàirt na Cho-fhlaitheas na Pòlainn - Liotuàinia bho 1375 gu ruige 1772. Ann an 1594, thog Stanisław Żółkiewski arm ann an Zalishchyky agus dhìon e an sgìre bho ionnsaighean nan Tartar. An uair sin, ann an 1669, chaidh am baile a sgrios gu tur le feachdan Impireachd nan Otomanach, agus cha mhòr nach deach an fheadhainn a thàinig beò a dhubhadh às fo riaghladh an t-sultan Mehmed IV ri linn an Dàrna Cogaidh Pòlaich-Otoman. Chuir feachdan na h-Ostair-Ungaire ruaig air Arm na Frainge air 18 an t-Ògmhios 1809, ri linn Cogadh a' Chòigeamh Co-bhanntachd. Bha Zalishchyky na phrìomh-bhaile Sluagh-phoblachd na h-Ucràine an Iar ann an 1918, an dèidh tuiteam na h-Ostair-Ungaire. Thàinig na Ruineanaich ann an 1939 agus rinn iad geur-leanmhainn air na daoine. Thuit am baile dha na Nàsaich ann an 1941 agus chuir iad gu bàs gach uile Iùdhaich a' bhaile. Fhad' s a bha na Nàsaich ann, bhàsaicheadh na Iùdhaich nam mìltean, an dà chuid aig làmhan nan Gearmailteach agus anns na Campaichean-dùmhlachaidh. Ann an 1991, thàinig Zalishchyky gu bhith na phàirt de nàisean neo-eisimeileach na h-Ucràine. Buinneadh Zalishchyky dhan sgìre Zalishchytskiy Raion (Ucràinis: Заліщицький район) gu ruige 2020.
A rèir a' Chunntais-shluaigh a rinneadh ann an 2001, 's e Ucràinis a tha aig gach uile duine ann an Zalishchyky a' bruidhinn (100%).
This article uses material from the Wikipedia Gàidhlig article Zalishchyky, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.