Alasdair Caimbeul
'S e Alasdair Caimbeul (27 An Cèitean 1941) neo Alasdair a' Bhocsair sgrìobhadair à Nis, Leòdhas.
| Alasdair Caimbeul | |||
|---|---|---|---|
| |||
| Beatha | |||
| Breith | Nis, 27 dhen Chèitean 1941 | ||
| Dùthaich |  Alba | ||
| Teaghlach | |||
| Athair | Aonghas Caimbeul | ||
| Bràithrean ⁊ peathraichean | liosta | ||
| Foghlam | |||
| Cànain | Gàidhlig Beurla | ||
| Dreuchd | |||
| Duaisean a fhuaras | liosta
| ||
A bheatha
Rugadh e an 27 Cèitean 1941 ann an Dail bho Dheas, Nis, Leòdhas. 'S e a bhràthair an sgrìobhadair Tormod Caimbeul (Tormod A' Bhocsair). 'S e Aonghas Caimbeul (Am Bocsair) an t-ainm a bh' air an athair, agus b' e sgrìobhadair ainmeil Gàidhlig eile a bh' ann an uncail, Aonghas Caimbeul (Am Puilean). Dh'fhuirich e ann an Drochaid Chonain an Siorramachd Rois anns an 90an.
Obair sgrìobhaidh
Tha e air dealbhan-cluiche, sgeulachdan goirid agus nobhailean a sgrìobhadh ann an Gàidhlig agus Beurla. Thòisich e a' sgrìobhadh ann an Gàidhlig ann an 1984. 'S e Bùth a' Bhaile a' chiad dealbh-chluich a sgrìobh e. Bha e an sàs ann am buidhnean dràma, nam measg 'Na Nisich' ann an Leòdhas agus Cluicheadairean Loch Aillse. Bho 1988 gu 1990 bha e na sgrìobhaiche ann an Sabhal Mòr Ostaig san Eilean Sgitheanach. Sgrìobh esan na nobhailean The Nessman agus Visiting the Bard ann am Beurla.
Bhuannaich e Duais Gasaet Steòrnabhaigh air dealbh-chluich ùr ann an 2009 aig a' Mhòd Nàiseanta Rìoghail, agus Duais Dhòmhnaill Mheek ann an 2015 airson an nobhail aige, Ro Fhada san t-Suidheachadh Seo.
Clàr-leabhraichean Gàidhlig
- 1995. Cha Sgeul Ruin E: Taghadh De Sgeulachdan O Chaochladh ùghdaran, Acair, ISBN 0861521854
- 1989. le Aonghas MacDhòmhnaill Murchadh agus Am Bradan Steòrnabhagh: Acair
- nobhail don òigridh
- 1990. Trì dealbhan-cluiche Slèite, An t-Eilean Sgitheanach: Clò Ostaig ISBN 0951641905
- Ro-ràdh (dha Magaidh Choineagan)
- Bùth a' Bhaile
- A' Home Brew
- Dol a dh'fhaicinn Nighean an Rìgh
- 1992. Am Fear Meadhanach Conon Bridge: Druim Fraoich ISBN 1874022038 (nobhail)
- 1999. Lìontan sgaoilte Slèite, [An t-Eilean Sgitheanach]: Cànan ISBN 1897873743
- 2011. Cuid a' chorra-ghrithich Inbhir Nis: Clàr ISBN 9781900901642
- 2011. Sia Dealbhan-cluiche Inbhir Nis: Clàr ISBN 9781900901635
- An staffroom
- Toiseach an earraich
- An sgrìobhaiche
- 'S e seo do bheatha
- Na craoladairean
- Am fear a chaidh dhan eilean.
- 2016. Ro Fhada san t-Suidheachadh Seo
Clàr-leabhraichean Beurla
- 2000. The Nessman, Edinburgh:Birlinn, ISBN 1841580902
- 2003. Visiting the Bard, Edinburgh: Polygon, ISBN 1904598021
Iomraidhean
Ceanglaichean a-muigh
- Guth aige air a BhBC. Cuideachd aig Archive.org
- Lèirmheas air 'Cuid a' chorra-ghrithich' le R. Black. Foillsichte 1 Dàmhair 2011.
- "Ceòl nach mì-chòrdadh ri Rìgh Dàibhidh nan Salm" aiste a sgrìobh Caimbeul mun chiad uair a choinnich e am fìdhlear Aonghas Grannd.
This article uses material from the Wikipedia Gàidhlig article Alasdair Caimbeul, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.