Natsuo Kirino: Scríbhneoir Seapánach

7 Deireadh Fómhair 1951 in Kanazawa i Maoracht Ishikawa), úrscéalaí Seapánach ar cuid suntais í sa slua scríbhneoirí mná atá ag scríobh scéalta bleachtaireachta sa tSeapáin.

Natsuo Kirino

Ainm sa teanga dhúchais	(ja) 桐野夏生
Beathaisnéis
Breith	7 Deireadh Fómhair 1951 72 bliana d'aois Kanazawa, An tSeapáin
Faisnéis phearsanta
Scoil a d'fhreastail sé/sí	Ollscoil Seikei
Gníomhaíocht
Gairm	úrscéalaí, scríbhneoir
Tréimhse oibre	1984 –
Seánra	Úrscéal
Teangacha	An tSeapáinis
Saothar
Saothar suntasach (2004) Out
Gradam a fuarthas (2023)  Mainichi art award (en) (2023)  Yoshikawa Eiji Prize for Literature (en) (2015)  Medal with Purple Ribbon (en) (2011)  Duais Yomiuri (2010)  Shimase Romantic Literature Prize (en) (2009)  Duais Murasaki Shikibu (2008)  Duais Tanizaki (2004)  Gradam Shibata Renzaburō (2003)  Izumi Kyōka Prize for Literature (en) (1999)  Naoki Prize (en) (1993)  Edogawa Rampo Award (en)
Suíomh gréasáin	kirino-natsuo.com

Bhí Kirino ina cónaí ina lán cathracha sular chuir sí fúthu i dTóiceo, mar a bhfuil sí fós. Phós sí sa bhliain 1975 agus rugadh a hiníon sa bhliain 1981.

Bhain sí céim sa dlí amach in Ollscoil Seikei sa bhliain 1974. Is iomaí post a bhí aici sular shocraigh sí ina tríochaidí ar dhul le scríbhneoireacht, agus níor tháinig aoibh na léitheoirí uirthi go dtí go raibh sí ina daichidí.

Chuaigh Kirino i mbun oibre mar scríbhneoir sa bhliain 1984 agus í ag scríobh úrscéalta rómánsacha. Ach ní mór an glaoch a bhí ar a leithéidí agus go luath sna 1990í ghéill sí don fhonn a bhí uirthi scéinséirí a scríobh agus iniúchadh a dhéanamh ar aigne an choirpigh. Tá mórán úrscéalta scríofa aici anois agus a lán cnuasach gearrscéalta, agus tá sí ar na húdair is mó a bhfuil tóir orthu sa tSeapáin.

Chuirfeadh a saothar scéalta Meiriceánacha faoi bhleachtairí crua i gcuimhne duit, ach is iomaí dearcadh agus insint atá ann agus gan aon saininsint údarásach le fáil chun an léitheoir a threorú.. Murab ionann is an chuid is mó de scéalta faoi bhleachtairí crua-intinneacha, is minic atá príomhcharachtar mná in úrscéalta Kirino, de shaghas an bhleachtaire Miro Murano, bean a chuireann cor san ghnáthinsint agus í ina laoch agus ina híospartach araon.

Is minic an t-uaigneas le fáil ina saothar, agus é á chur in iúl freisin go bhfuil saol na Seapáine truaillithe ag an maoin, go háirithe i gcúrsaí teaghlaigh agus grá.

Is iondúil go dtugtar cuntas ina leabhair ar mhná a dhéanann gníomhartha uafáis, i dtreo go bhféadfaí a saothar a mheas mar “fheimineachas noir”. Tá craiceann na fírinne ar a scéalta agus is féidir leis an léitheoir fíorthuiscint a fháil ar aigne na mban dá bharr.

Leabhair faoin mBleachtaire Miro Murano

• Úrscéalta
  • Kao ni furikakaru ame (Tóiceo: Kodansha, 1993)
  • Tenshi ni misuterareta yoru (Tóiceo: Kodansha, 1994)
  • Mizu no nemuri hai no yume (Tóiceo: Bungei Shunju, 1998)
  • Dāku (Tóiceo: Kodansha: 2002)
• Cnuasach gearrscéalta
  • Rōzu gāden (Tóiceo: Kodansha, 2000)

Fireball Blues

• Faiabōru burūsu (Tóiceo: Shueisha, 1995)
• Faiabōru burūsu 2 (Tóiceo: Bungei Shunju, 2001)

Úrscéalta eile

• Auto (Tóiceo: Kodansha, 1997); aistrithe go Béarla ag Stephen Snyder mar Out (Nua-Eabhrac: Kodansha, 2003; Nua-Eabhrac: Vintage, 2005)
• Yawarakana hoho (Tóiceo: Kodansha, 1999);
• Kogen (Tóiceo: Bungei Shunju, 2000)
• Gyokuran (Tóiceo: Asahi Shinbunsha, 2001)
• Riaru warudo (Tóiceo: Shueisha, 2003); aistrithe go Béarla ag J. Philip Gabriel mar Real World]] (Nua-Eabhrac: Alfred A. Knopf, 2008)
• Gurotesuku (Tóiceo: Bungei Shunju, 2003); aistrithe go Béarla ag Rebecca L. Copeland mar Grotesque (Nua-Eabhrac: Knopf, 2007)
• Zangyakuki (Tóiceo: Shinchosha, 2004)
• Aimu sōrī mama (Tóiceo: Shueisha, 2004)
• Tamamoe! (Tóiceo: Mainichi Shinbunsha, 2005)
• Bōken no kuni (Tóiceo: Shinchosha, 2005)
• Metabora (Tóiceo: Asahi Shinbunsha, 2007)
• Tōkyō-jima (Tóiceo: Shinchosha, 2008)
• Joshinki (Tóiceo: Kadokawa Shoten, 2008); aistrithe go Béarla ag Rebecca L. Copeland mar The Goddess Chronicle (Dún Éideann: Canongate Books, 2013)
• In (Tóiceo: Shueisha, 2009)
• Nanika aru (Tóiceo: Shinchosha, 2010)
• Yasashii Otona (Tóiceo: Chuokoron-Shinsha, 2010)
• Poritikon (Tóiceo: Bungei Shunju, 2011)
• Midori no doku (Tóiceo: Kadokawa Shoten, 2011)
• Hapinesu (Tóiceo: Kōbunsha, 2013)

Cnuasacha gearrscéalta

• Sabiru kokoro (Tóiceo: Bungei Shunju, 1997)
• Jiorama (Tóiceo: Shinchosha, 1998)
• Ambosu mundosu (Tóiceo: Bungei Shunju, 2005)