Olympic Valley
Squaw Valley of Olympic Valley is in unincorporated community yn de Amerikaanske steat Kalifornje.
It leit yn Placer County yn de Sierra Nevada, oan de Truckee River, flakby Lake Tahoe. Squaw Valley genietet bekendens as skygebiet; skye kin it hiele jier troch. Yn Squaw Valley waarden de Olympyske Winterspullen fan 1960 hâlden.
Skiednis
Claraville, deunby Squaw Valley, wie yn de 19e iuw in bloeiend mynbouplakje en fêstigingsplak fan ien fan de grutste mynboubedriuwen fan de streek. Om 1863-1864 hinne wiene de measte goudsikers fuortlutsen rjochting Comstock Lode, Virginia City.
Ein jierren 1940 wie Squaw Valley in skygebiet mei ien skylift, ien hotel en ien ynwenner: Alexander Cushing, de eigner fan alles. Cushing wist yn in 1955 it Ynternasjonaal Olympysk Komitee sa fier te krijen om yn 1960 de Olympyske Winterspullen yn Squaw Valley te hâlden. Yn goed fjouwer jier tiid waarden yn Squaw Valley de akkommodaasjes en byhearrende ynfrastruktuer dêr't ferlet fan wie, boud.
Keppelings om utens
This article uses material from the Wikipedia Frysk article Olympic Valley, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.