Samtgemeinde
In Samtgemeinde (ôflaat fan samtlich, kollektyf) is yn de Dútske dielsteat Nedersaksen in gearwurkingsferbân fan selsstannige gemeenten.
Alle dielnimmende gemeenten moatte yn deselde Landkreis (lânkring) lizze.
In samtgemeinde fiert foar de dielnimmende gemeente in tal taken út, lykas it meitsjen fan bestimmingsplannen, it suverjen fan it rioelwetter, it behearen fan de finânsjes of it gearwurkjen op it mêd fan de brânwar. De yntinsiviteit fan de gearwurking wurdt neffens in beslút fan it regear fan de dielsteat nommen.
De samtgemeinde hat in eigen politike fertsjintwurdiging, dy't bestiet út in eigen boargemaster en in eigen ried. De ried wurdt keazen troch de boargers mei stimrjocht.
Sjoch ek
This article uses material from the Wikipedia Frysk article Samtgemeinde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.