Rudolf Buurma
Rudolf Buurma (It Oranjewâld, 17 desimber 1963) is direkteur fan SALTO Omrop Amsterdam, bekend fan útstjoerings fan ûnder oaren Theo van Gogh en MokumTV.
Libben
Buurma folge de middelbere skoalle yn Arnhim en studearre Rjochten mei as haadfak Bestjoersrjocht te Leien. Yn 1992 ferfear er nei Amsterdam ta, dêr't er yn 1998 boaske mei VVD-gemeenteriedslid Pauline Haitsma, mei wa't er in dochter hat. Syn earste stap yn de wrâld fan de media sette er as stazjêr by it ferhierbedriuw Camera Rentals. Nei in skoftke koed er oan de slach as produksje-assistint by de opnamen fan Vals Licht fan Theo van Gogh.
Letter ferhierde Buursma himsels as freelance-produksje-assistint en -lokaasjemanager foar reklamespotsjes, oant John de Mol Producties him frege mei te wurkjen by de rekonstruksjes yn it programma Peter R. de Vries, Misdaadverslaggever. Buursma wurke fjouwer jier by dat programma. Dêrnei late er in businessunit TV & Streaming Media fan it ynternetbedriuw Lost Boys. Under syn lieding ferlei dat bedriuw de oandacht fan tillefyzje en streaming-media op it ynternet nei cross media-produksjes.
Begjin 2004 waard Buurma direkteur fan SALTO Omrop Amsterdam. Buurma hat goede kontakten mei de gemeenteried. Hy spruts, doe't er direkteur fan SALTO Omrop Amsterdam waard, de hope út dêrtroch "goede zaken dwaan te sillen". Seker no't SALTO Omrop Amsterdam ek ynternasjonaal namme makke mei it programma Most Macho, dat de XXVe Prix d'Or wûn by it multynasjonaal dokumintêrefestival fan Vesoul.
Keppelings om utens
This article uses material from the Wikipedia Frysk article Rudolf Buurma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.