Piet Hemminga
Piet Hemminga (folút: Pieter Hemminga; Aldehaske, 19 novimber 1946) is in Frysk bestjoerskundige en publisist, ûnder mear op it mêd fan de Fryske taal.
| Piet Hemminga | ||
| persoanlike bysûnderheden | ||
| echte namme | Pieter Hemminga | |
| nasjonaliteit |  Nederlânsk | |
| berne | 19 novimber 1946 | |
| berteplak | Aldehaske (Fryslân) | |
| etnisiteit |  Frysk | |
| wurkpaad | ||
| berop/amt | bestjoerskundige | |
| aktyf as | publisist | |
| jierren aktyf | ±1970 – no | |
Libben en karriêre
Hemminga waard yn 1946 berne yn Aldehaske. Hy studearre sosjale wittenskippen oan de Ryksuniversiteit Grins en ûntlei him neitiid ta bestjoerskundige. Fan 1976 oant 1991 wied er direkteur fan de Fryske Kultuerried, en fan 1989 oant 2000 wied er earst lid en letter foarsitter fan de Programmaried fan Omrop Fryslân.
Fierders wie Hemminga fan 1993 oant 2011 ferbûn oan de Fryske Akademy, wêrfoar't er ûnder mear lêzings hold oer saken as gemeentlike weryndieling, provinsjale polityk en taalbelied. Yn 2000 ferskynde fan him it boek Het Beleid inzake Unieke Regionale Talen, wêrfoar't er de ferhâlding tusken minderheidstaal en oerheid op it mêd fan it Frysk, it Noardfrysk en it Sorbysk mei-inoar ferliek. Dat wie in proefskrift wêrmei't er datselde jiers oan de Universiteit fan Amsterdam promovearre.
Wurk
- 2000 – Het Beleid inzake Unieke Regionale Talen
- 2001 – De Aktuele Steat fan Fryslân
- 2008 – Fryslân: Fêstens en Feroaring (yn: De Fryslannen, û.red.f. Sytze T. Hiemstra)
- 2010 – Management fan it Fryske Taalbelied
- 2011 – Alarmfaze Oranje: De Fryske Oerheid yn de 21ste Ieu
| Boarnen, noaten en/as referinsjes: |
|
This article uses material from the Wikipedia Frysk article Piet Hemminga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.