Madelinus
Madelinus wie yn de midden fan 'e 7e iuw in muntmaster dy't aktyf yn it hjoeddeistige Nederlân wie.
Fan Madelinus is bekend dat er yn de Merovingyske tiid te Maastricht munten sloech. Yn Doarestêd (Wyk by Duerstede) wurke hy yn de twadde helte fan de 7e iuw. Fan him binne gouden muntstikken (tremisses) ôfkomstich út Dorestêd dy't û.m. foarsjen binne fan it opskrift DORESTATI FIT (slein yn Dorestêd) mei op de oare siden syn namme. In oare muntmaster út dizze tiid wie Rimoaldus.
De munten fan Madelinus waarden ferfolgens in protte neimakke yn Frankyske en Fryske gebieten. Goed 80% fan de sirka 500 weromfûne munten wurde foar imitaasjes hâlden. De Madelinus-munten en eardere imitaasjes hiene in goudgehalte fan likernôch 50%, by imitaasjes inkele desennia letter rint dat tebek nei 5 à 10 %.
Boarne
- (in) A. Pol, A new sceat of the Dorestad/Madelinus-type, in: Studies in Early Medieval Coinage 1 (2008), 119-122
Noaten
Sjoch ek
This article uses material from the Wikipedia Frysk article Madelinus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.