Merovingen
De Merovingen wienen in dynasty fan Frankyske keningen, dy't oer it Frankyske ryk regearden dat bestie út dielen fan it hjoeddeiske Frankryk en Dútslân.
Sy regearden fan de 5e iuw ôf oant de 8e iuw.
Skiednis
De namme fan de Merovingyske dynasty is ôflaat fan Merovech, de earste kening fan de Salyske Franken, dy't hearske fan 447 oant 457 oer in lyts gebiet yn Noard-Galje. In pakesizzer fan him, Klovis, slagge deryn it grutste part fan Galje te ferienjen. Hy hat ek ferantwurdlik west foar it fersprieden fan it roomske leauwen yn Frankryk en omkriten, doe't hy him yn 496 dope liet. Nei goed Germaanske gebrûk waard it ryk fan Klovis ferdield tusken syn fjouwer soannen.
De Merovingen wienen ek ferantwurdlik foar it ûntstean fan it feodalisme, doe't dizze keningen hartoggen oanstelden foar it regearen, ferdiedigjen en de rjochtspraak oer lytse dielen fan harren keninkryk.
Tsjin de 7e iuw hienen de keningen net folle feitlike macht mear oer, en wienen sy foaral symboalyske figueren wurden. Sy hâlden har hieltyd mear dwaande mei wrâldske saken, en lieten it regearen fan it keninkryk oer oan de hofmeiers (major domo yn it Latynsk). Yn de tiid fan de Karolingen waard it amt fan hofmeier erflik. (Sjoch: Karel Martel)
Uteinlik ûnttroanden de Karolingers de Merovingen yn 751, doe't Pippyn de Koarte de Frankyske eallju efter him krige en de lêste Merovingyske kening, Gilderik III, ôfsetten waard.
Gronology en territoriale ferdielingen
| 481-511 | Klovis I (Klodovech) | |||
| Tiidrek | Soissons | Parys | Orléans | Reims |
|---|---|---|---|---|
| 511-524 | Klotarius I | Gildebert I | Klodomer | Teuderik I |
| 524-534 | ||||
| 534-548 | Teudebert I | |||
| 548-555 | Teudowald | |||
| 555-558 | ||||
| 558-561 | ||||
| Tiidrek | Neustrje(Soissons) | Parys | Boergonje(Orléans | Austraasje(Reims) |
| 561-567 | Gilperik I | Garibert I | Guntram | Sigibert I |
| 567-575 | ||||
| 575-584 | Gildebert II | |||
| 584-592 | Klotar II | |||
| 592-595 | ||||
| 595-612 | Teuderik II | Teudebert II | ||
| 612-613 | ||||
| 613 | Sigibert II | |||
| 613-629 | ||||
| Tiidrek | Neustrje + Boergonje + Austraasje | (Akwitaanje) | ||
| 629-632 | Dagobert I | (Garibert II) | ||
| 632 | (Gilperik) | |||
| 632-639 | ||||
| Tiidrek | Neustrje + Boergonje | Austraasje | ||
| 639-656 | Klovis II | Sigibert III | ||
| 656-657 | Gildebert de Adoptearre | |||
| 657-662 | Klotar III | |||
| 662-673 | Gilderik II | |||
| 673 | Teuderik III | |||
| 673-675 | ||||
| 675-676 | Teuderik III | Klovis III | ||
| 676-679 | Dagobert II | |||
| 679-691 | ||||
| 691-695 | Klovis IV (III) | |||
| 695-711 | Gildebert III | |||
| 711-715 | Dagobert III | |||
| 715-717 | Gilperik II | |||
| 717-719 | Klothar IV | |||
| 719-721 | ||||
| 721-737 | Teuderik IV | |||
| 737-742 | Interregnum | |||
| 742-751 | Gilderik III | |||
Sjoch ek
This article uses material from the Wiki Frysk article Merovingen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply. (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
#Wikipedia® is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.