De lingtegraad is tegearre mei de breedtegraad in geografyske posysjeoantsjutting yn bolkoördinaten.
De lingtegraad is de hoek tusken it flak troch in punt en de omwintelingsas fan it bolfoarmich lichem en it flak troch de nulmeridiaan of referinsjemeridiaan. Foar de koördinaten op ierde farieart de lingtegraad fan 0° oant 180°, mei as tafoeging E.L. (easterlingte, ten easten fan de nulmeridiaan, op it eastlik healrûn) of W.L. (westerlingte, ten westen fan de nulmeridiaan, op it westlik healrûn). Wannear in teken takend wurdt, wurdt easterlingte as in positive wearde en westerlingte as in negative wearde werrjûn. De ôfstân fan de lingtegraad is ôfhinklik fan de breedte en farieart fan rom 111 kilometer op de evener oant nul op de poalen.
In lingtesirkel of meridiaan is de line dy't alle punten ferbynt mei deselde geografyske lingte. Alle lingtesirkels binne like lang en rinne as heale grutsirkels tusken de poalen. De ôfstân tusken de lingtesirkels farieart sterk mei de geografyske breedte: op de evener is de ôfstân tusken twa lingtesirkels mei in ferskil fan ien graad ûngefear 111 km. Op de poalen is dizze ôfstân lyk oan nul. De ôfstân op de evener tusken twa lingtesirkels dy't 1 bôgeminút (1/60°) fan elkoar lizze is ien seemyl:
This article uses material from the Wikipedia Frysk article Lingtegraad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.