Даўгата́ — геаграфічная каардыната ў шэрагу сыстэмаў сфэрычных каардынатаў, якая вызначае знаходжаньне пунктаў на паверхні Зямлі, Сонца, плянэтаў і на нябеснай сфэры адносна пачатковага мэрыдыяну.
Геаграфічная даўгата λ, кут паміж роўніцай мэрыдыяну, які праходзіць праз дадзены пункт, і роўніцай пачатковага нулявога мэрыдыяну, ад якога вядзецца адлік даўготаў. На Зямлі нулявы мэрыдыян праходзіць праз Грынвіч і называецца Грынвіцкім мэрыдыянам. Даўготы ад 0 да 180° на ўсход ад нулявога мэрыдыяну называюць усходнімі, а на захад — заходнімі. Варта падкрэсьліць, што, у адрозьненьне ад шыраты, для сыстэмы даўготаў выбар пачатку адліку (нулявога мэрыдыяну) адвольны і залежыць толькі ад угоды. Да прыкладу, раней, акрамя Грынвічу, у якасьці нулявога абіралі мэрыдыяны абсэрваторыяў Парыжу, Кадысу, Пулкава (на тэрыторыі Расейскай імпэрыі) і г. д.
Даўгата — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Даўгата, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.