Ienpersoanshúshâlding: Húshâlding dy't bestiet út ien persoan
In ienpersoanshúshâlding is in húshâlding dy't bestiet út ien persoan.
Sa'n persoan wurdt ek wol in allinnichwenjende neamd. In ienpersoanshúshâlding kin foarme wurde troch in allinnichsteande, mar likernôch in fjirdepart fan 'e allinnichwenjenden tusken de 18 en 65 jier hat wol deeglik in langduorjende relaasje, en kin dus net as allinnichsteande omskreaun wurde.
Under de likernôch 7 miljoen húshâldings dy't Nederlân yn 2005 telde, wiene 2,4 miljoen ienpersoanshúshâldings (34,4%), wat delkaam op 15% fan 'e befolking. Sûnt de 1960-er jierren is it tal ienpersoanshúshâldings yn Nederlân frijwat tanommen (om't it net mear fansels is dat men troud as men folwoeksen is), en neffens de measte prognoazes sil it de kommende desennia allinnich noch mar fierder tanimme, oant sa'n 3,4 miljoen yn 2030.
Der besteane ferskate kategoryen ienpersoanshúshâldings:
- jongere persoanen dy't nei it ferlitten fan it âlderlik hûs op harsels wenje en tydlik of definityf allinnich binne;
- persoanen dy't allinnich wenje nei't harren relaasje ferbrutsen is;
- âlderen dy't allinnich efterbleaun binne nei't harren partner ferstoarn is;
- persoanen dy't bewust allinnich wenje en net mei oaren gearlibje wolle, mar soms wol in relaasje hawwe (bgl. in LAT-relaasje).
| Boarnen, noaten en/as referinsjes: |
| Foar boarnen en oare literatuer, sjoch ûnder: Externe links, op dizze side. |
This article uses material from the Wikipedia Frysk article Ienpersoanshúshâlding, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.