De Haytsmastate wie in state yn Minnertsgea, gemeente It Bilt.
Krekt bûten Minnertsgea, links fan de wei rjochting Tsjummearum, leit heal ferskûle efter in grutte en 2,8 meter hege terp, in pleats mei de namme Haytsmastate. De eigentlike stins/state sil grif op de hege terp stien hawwe.
De Haytsmastate is grif ûntstien yn de 15e iuw. Christianus Schotanus meldt yn syn "Beschryvinge van de Heerlyckheydt van Frieslandt" yn 1664 hielendal gjin geen Haytsmastate wyls de "Tegenwoordige Staat van Friesland" ± 1780 allinnich skriuwt dat Haytsmastate al voor lang weggebroken is. In gelok dat doarpshistoarisy as Dr. Wumkes en ds. Winsemius mear ynformaasje boppe wetter tild hawwe.
Haytsmastate hie al yn de 15e iuw in eigen kapel, stifte troch Atte Haitsma en syn buorman Atte Fernia. De kapel hie in eigen preester. Dy funksje waard yn 1543 ferfold troch Offcke Offckes fan Haytsma, in pakesizzer fan de stichter. Oan de hân fan grêfsarken is bekend dat yn de tsjerke fan Minnertsgea begroeven binne Hoyte Haytzema yn 1633, Rein Hoytes Haytzma yn 1645, Saeske Reyns Haitzma yn 1671 en Hoite Reins Haytzema yn 1685. Se hawwe frij seker opinoar folgjend de state yn besit hân.
Yn 1700 is de state eigendom fan Wyger Sybes dy't troud wie mei Rinske fan Haitsma, nei alle gedachten in dochter fan de foarige eigener. Se wie ek eigener fan de pleats oan de Mieddyk mei stimnûmer 9, dêr't tsjintwurdich garaazje De Groot sit.
Boarnen, noaten en/as referinsjes: |
|
This article uses material from the Wikipedia Frysk article Haytsmastate (Minnertsgea), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.