It Biologysk-Archeologysk Ynstitút (BAI) wie in ynstelling fan de Ryksuniversiteit Grins foar ûndersyk en ûnderwiis op it mêd fan archeology en prehistoarje yn benammen it noardwesten fan Europa.
It waard oprjochte yn 1920 troch- en oant 1954 laat troch A.E. van Giffen, dêrnei oant 1987 troch H.T. Waterbolk. Yn 1998 is it BAI opgien yn it Grinzer Ynstitút foar Archeology dat archeologysk ûndersyk yn it mediterane gebiet en it noardpoalgebiet docht. It BAI hat stúdzjesamlingen op it mêd fan de Europeeske prehistoarje, de paleo-botany en de archeo-soölogy en ek in grutte kolleksje fjildtekeningen en foto's oer de opgravingen dy't it sels dien hat.
Fan begjin ôf oan hat it Ynstitút oparbeide mei de Feriening foar Terpûndersyk, de Drintske Prehistoaryske Feriening en de museums yn Noard-Nederlân.
It BAI joech sûnt 1951 in eigen wittenskiplik tydskrift út Palaeohistoria en sûnt 1989 in jierberjocht, Paleo-Aktueel.
Boarnen, noaten en/as referinsjes: |
|
This article uses material from the Wikipedia Frysk article Biologysk-Archeologysk Ynstitút, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.