Savétro Iér: 33émo pape et sant catolico

Cél articllo est ècrit en arpetan supradialèctâl / ORB lârge.

Por los articllos homonimos, vêde Savétro, Sant Savétro, Sant-Savétro et Sent-Savétro.

Savétro I^ér (Sylvestrus / Silvestrus en latin, Σίλβεστρος / Sílbestros en grèco ancian), nèssu a Roma et môrt dedens la méma vela lo 31 de dècembro 335, est un èvèco de Roma qu’avenge a l’èpiscopat lo 31 de janviér 314.

Cél èpiscopat, long de vengt-doux ans, du temps du règno de l’emperor Constantin I^ér et pués des concilos d’Ârlo et Nicèa, est travèrsâ per la crisa donatista et los comencements de la crisa arièna, tant d’èvènaments que Savétro semble avêr jouyê dedens ren qu’un rolo ensignifient cen qu’empache pas que, du fêt de les largèsses emperiâles, Roma comence a habelyér adonc l’aparence d’una vela crètiena.

D’aprés lo drècement de la tradicion catolica, il est lo 33^émo pape. Il est cèlèbrâ coment sant lo 31 de dècembro dens l’Égllése catolica romèna et lo 2 de janviér dens l’Égllése ortodoxa.

Origines

 

Nèssu a na dâta encognua, Savétro est probâblament d’origina romèna. Garçon d’un prétro qu’ére a nom de Rufinus, il arêt lui-mémo avengiê u sacèrdoço desot l’èpiscopat de Marcelin et pués sofèrt de la pèrsècucion de Diocllècin. Vegnent aprés Milciade, môrt lo 10 ou ben 11 de janviér 314, il est èlu a l’èpiscopat romen lo 31 du mémo an.

Èpiscopat

 

Sa tomba sè trôve dedens la catacomba de Priscila a Roma.

 

• lo rèvelyon de la Sant-Savétro.

• (it) Agostino Amore, « Silvestro I, papa, santo », dedens Bibliotheca Sanctorum, vol. XI, 1968, p. 1077–1079.
• (it) Francesco Scorza Barcellona, « SILVESTRO I, santo », dedens Enciclopedia dei Papi, Roma, Massimo Bray (èd.), 2000.

Notes

Vocabulèro

Rèferences