Vípa

Hon hevur mangar litir, omaná mest morgrøn, framman dimmblá, í neðra hvít; vongurin er korkalittur oman fyri knúgvan og svartur ytst; undir velinum er hon vakurt brondut. Best kennist hon av tí langa toppinum á nakkanum. Tó at veingirnir eru kubbutir, er hon bæði lættfloygd og skjótfloygd; ofta ger hon knøpp køst og vendingar í flognum. Hon eigur víða um Europa og Asia. Eggini eru 4, grønlig ella brúnlig við svørtum blettum. Kemur fólk fram at reiðrinum, leikar hon í sum eitt ørt uttanum; hundar og krákur rýkur hon á uttan fyrilit. Í Føroyum síggjast tær stundum vár og heyst, borandi í bønum eftir sniglum og reyðmøðkum. Áður vistu menn so at siga einki um, at vípa hevði átt í Føroyum, nú í hesum seinnu árunum hevur tað ikki verið so sjaldsamt. Dámligt hevði tað verið, um hesin hugnaligi fuglur kom fyri álvara at byggja hjá okkum.

Vípa
Støða
Minst stúrin
Vísindaflokking
Ríki: Animalia Rað: Chordata Flokkur: Aves Hópur: {{{hópur}}} Ætt: Charadriidae Slekt: Vanellus Slag: V. vanellus

• Fuglar í Føroyum

Hendan greinin er ein stubbi. Tú kanst hjálpa Wikipedia við at víðka hann.

Wiki Føroyskt 

Sí miðlasavnið

»Vípa« í Wiki Commons.