Península Ibérica

Esti artícalu es un encetu

La Península Ibérica o Iberia es una península assitiá nel sul-oesti Uropa, arroeá pol Mari Mediterraneu, el Oceanu Alánticu i polos Pirineus, que la deseparan del restu del continenti uropeu. Pol sul, la Península está desepará d'África (Marruecus) pol Estrechu de Gibraltal, qu'es la lindi entri el Mari Mediterreneu i el Oceanu Alánticu.

La Península cuenta con 582.925 km² i drentu delos sus arrayus geográficus s'atopan España, Portugal, Andorra i Gibraltal. El su centru geográficu está nel Cerro de los Ángeles, en Getafe. El puntu mas cimeru es el Mulhacén, en Graná, con 3.478 m de zimbra. El riu con mayol longol es Taju, con una largura de 1.007 km (731 km en España i 275 km en Portugal).

El su nombri provién del riu Iber, quiziás el atual Ebru, anque tamién puyera sel el Guadalquivil u algotru riu dela región Güelva, andi testus mu antíguus mentavan un riu Iberus i un puebru al que llamavan iberus. Dendi tiempus remotus los griegus mentavan Iberia a la Península.

El geógrafu griegu Estrabón, palrandu dela Península Ibérica, l'acomparava cun pelleju güe:

ἔοικε γὰρ βύρσῃ τεταμένη κατὰ μῆκος μέν ἀπὸ τῆς ἑσπέρας ἐπὶ τῆν ἕω τὰ πρόσθα ἔχουσῃ μέρη πρὸς τῇ ἕω κατὰ πλάτος δ' ἀπὸ τῶν ἄρκτων πρὸς νότον Ibéria se paici a un cueru güe destendia a lo largu de Ponienti a Salienti, conos miembrus lanterus apuntandu a Salienti, i a lo anchu de Norti a Sul

— Estrabón, Geografia.

Geologicamenti tien comu caraitirística especial que la huerça dela su supificii continental está confegurá comu una meseta, conna altura meya de 600 metrus pol cima del nivel el mari; el su litoral norti, nol-oesti oesti es rocosu i con acantilaus, huendu el litoral esti, sulesti i sul mas suavi. D'alcuerdu ala sitación geográfica, la Península Ibérica tamién horma parti de Francia, ya qu'ésta s'entra házia el sul.