Zoe Bray: Antropologoa

Aita Nicholas Bray kazetari ingelesa duela, Josette Dacosta amaren ama Ahatsan jaioa zen; hiru neba-arreba dira eta Zoe Parisen jaio bazen ere, neba Londresen eta ahizpa Erroman jaio ziren eta familiako hizkuntzak frantsesa eta ingelesa dira. Lan kontuengatik familia Europako hainbat lekutan bizi izan da; Euskal Herriarekiko lotura betidanik gorde izan du eta euskara (bere bosgarren hizkuntza) ikasi zuen. 1995etik Euskal Herrian denboraldi luzeak pasatu ditu eta egun Reno (Nevada, AEB) eta Euskal Herriaren artean bizi da.

Eusko Ikaskuntzako eta Itzal Aktiboa elkarteko kidea da.

Antropologia sozialaren arloan ikasketak (Edinburgon) eta ikerketa lanak egin ditu; bere tesiak Euskal Herriko egoerari buruz egin zituen. Ortzaizen bizi izan zen tesietakoa egiteko eta Bidasoko mugari buruzko «Living boundaries: frontiers and identity in the Basque Country» lana argitaratu zuen 2004an.

Artikulu ugari idatzi du eta hainbat hitzaldi eman izan ditu.

Brayk azken urteetan ekin dio margotzeari; batez ere erretratuak margotzen ditu. Ipar Euskal Herriko 22 bertsolarirenak egin ditu eta kale borrokaren eszenak ere margotu ditu. 2007ko martxoan zabaldu zen Euskaltzaindiaren Baionako egoitza berrirako Jean Haritxelhar euskaltzainburu-ohiaren potreta egin zuen.

Zenbait erakusketa kolektibotan esku hartzeaz gain, Lekuko jendea izeneko erakusketa eskaini zaio Biarrizko Museo Historikoan (2011ko ekaina-abuztua).

• 2022an Nekatoeneako literatura sorkuntza egonaldia irabazi zuen.

• (Ingelesez) Bere web orria.
• (Ingelesez) Zoe Bray News bloga.
• (Ingelesez) Egunero marrazki bat egiten du Brayk blog honetan.
• Bizitza margotzeko lohitu egin behar duzu, Itziar Madinak eginiko elkarrizketa, Argia, 2297. zkia., 2011ko azaroaren 6a.
• (Ingelesez) Bray Center for Basque Studiesen web orrian.