Singapur itsasartea 113 km luze eta 19 km zabal ditu eta mendebaldean Malakako itsasartearen eta ekialdean Hego Txinako Itsasoaren artean dago.
Singapur hiri-estatua itsasartearen iparraldean dago, eta Indonesiako Riau uharteak hegoaldean daude. Itsasarteak muga egiten du Singapurren eta Indonesiaren artean.
Singapur itsasartea | |
---|---|
Mota | itsasarte |
Geografia | |
Koordenatuak | 1°13′N 103°55′E / 1.22°N 103.92°E |
Hidrografia | |
Ibaiadarrak |
Keppel portua eta uharte txiki asko bertan daude. Itsasarteak Singapurreko porturako ur sakonetako pasabidea ematen du, eta oso erabilia izaten da. 2017an, gutxi gorabehera 2.000 merkantzia-ontzi igarotzen ziren egunero. Singapurreko itsasartearen sakonerak mugatu egiten du Malaka itsasartetik igarotzen diren itsasontzien zingoa.
Ya'qubi, K.o. IX. mendeko autore musulmana, Bahr Salahit edo Salahit itsasoaz (malaysiar selat hitzetik, itsasartea) mintzatu zen, Txinara iristeko zeharkatu beharreko Zazpi Itsasoetako bat. Batzuek interpretatu dute Salahit itsasoa Singapur zela, baina beste batzuek, oro har, Malaka itsasarteaz ari zela uste dute, arabiarren eta Zabaj erresumaren arteko hartu-eman eremua (segur aski, Sumatra). Asiako hego-ekialdera bidaiatzen duten lehen europarren artean, Singapur itsasartea Malaka itsasartearen osotasunari edo hegoaldeari eta beste ur-zati batzuei zegokien. Historialariek pluralean ere erabili zuten terminoa, "Singapur itsasartea", testu eta mapa zaharretan aurkitzen diren hiru edo lau itsasarteri buruz hitz egiteko: Singapurreko antzinako itsasartea Sentosaren eta Telok Blangahren artean, Singapurreko itsasarte berria Sentosaren hego-mendebaldera, gobernadorearen itsasartea edo John de Silva itsasartea, Felipe kanala eta Tebrau Itsasarteari dagokiona. Gaur egun, Singapur itsasartea Singapur hegoaldeko nabigazio-kanal nagusia da, Singapur eta Indonesia arteko nazioarteko muga han baitago.
Nazioarteko Erakunde Hidrografikoak honela definitzen ditu Singapur itsasartearen mugak:
Mendebaldean. Malaka itsasartearen ekialdeko muga [Tanjong Piai (Bulus), Malasiako penintsulako hegoaldeko lurmuturra (1°16′N 103°31′E / 1.267°N 103.517°E) eta Iyu uhartea (1°11.5′N 103°21′E / 1.1917°N 103.350°E), eta hortik, Klein Karimun (1°10′N 103°23.5′E / 1.167°N 103.3917°E) lotzen dizuten lerroa.
Ekialdean. Tanjong Datok, Johoren hego-ekialderen dagoen puntua (1°22′N 104°17′E / 1.367°N 104.283°E) eta Pulo Koka (1°13.5′N 104°35′E / 1.2250°N 104.583°E), Bintan uhartearen ipar-ekialdeko muturra lotzen dituen lerroa
Iparraldean. Singapur uharteko hegoaldeko kosta, Johore Shoal eta Malaysiako penintsulako hego-ekialdeko kosta.
Hegoaldean. Klein Karimun eta Pulo Pemping Besar (1°06.5′N 103°47.5′E / 1.1083°N 103.7917°E) lotzen dituen lerroa, Batam eta Bintan Pulo Kokaren iparraldeko kostetan zehar.
Malaka eta Singapur itsasarteen inguruko gidak eta planoak luzaroan argitaratu dira, itsasartearen izaera zaila dela eta.
Britainiarrek itsasartea minez bete zuten Bigarren Mundu Gerran.
2009an, Maersk Kendal itsasontzia Mongok Sebarok arrezifean hondoak jo zuen.
This article uses material from the Wikipedia Euskara article Singapur itsasartea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.