Selfixhe Ciu
Selfixhe Ciu, Kolombja izengoitiaz ere ezaguna, (Gjirokastër, Albania, 1918ko martxoaren 31a – Tirana, Albania, 2003ko abuztuaren 22a) idazle, itzultzaile eta feminista albaniarra izan zen.
| Selfixhe Ciu | |
|---|---|
| Bizitza | |
| Jaiotza | Gjirokastër, 1918ko martxoaren 31 |
| Herrialdea |  Albania |
| Heriotza | Tirana, 2003ko abuztuaren 22a (85 urte) |
| Jarduerak | |
| Jarduerak | idazlea eta itzultzailea |
Bizitza
Gjirokastërren jaio zen. Musine Kokalariren laguna zen, literatura lanak argitaratu zituen lehen albaniar emakumeetako bat izan zena. 1935eko azaroaren 28an, 17 urte zituela, poema bat argitaratu zuen Populli egunkarian.
Florentzian (Italia) ikasten ari zen, Albaniako italiar inbasioa gertatu zenean, 1939an. Gero, Albaniara itzuli zen Xhemal Broja senarrarekin, eta liburu-denda bat ireki zuen Shkodër hirian. Albaniako Lanaren Alderdian sartu zen, Drita Kosturi eta Nexhmije Hoxharekin batera, eta legez kanpoko manifestazio antifaxista baten antolatzaileetako bat izan zen 1942ko otsailaren 22an. Horregatik atxilotu eta heriotza zigorra ezarri zioten, baina gero aske utzi zuten. Bigarren Mundu Gerraren ostean, 1947an, senarrarekin batera deportatu zuten lehen aldiz, eta 1966an bigarren aldiz. 1998an bere oroitzapenak, baita poesia eta beste argitalpen batzuk ere, Tallazet e jetes izeneko liburuan argitaratu zituen. 2003ko abuztuaren 22an hil zen.
Erreferentziak
Kanpo estekak
Datuak: Q21605269
This article uses material from the Wikipedia Euskara article Selfixhe Ciu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.