Rodrigo Sorogoyen del Amo (Madril, 1981eko irailaren 16a) espainiar zinema zuzendari eta gidoigilea da.
Rodrigo Sorogoyen | |
---|---|
Bizitza | |
Jaiotza | Madril, 1981eko irailaren 16a (42 urte) |
Herrialdea | Espainia |
Hezkuntza | |
Heziketa | School of Cinematography and Audiovisual of the Community of Madrid (en) |
Hizkuntzak | gaztelania |
Jarduerak | |
Jarduerak | film-zuzendaria, zinema ekoizlea eta gidoilaria |
Jasotako sariak | ikusi
|
Madrilen jaio zen, 1981eko irailaren 16an. Rodrigo Sorogoyen del Amo Antonio del Amo zinema-zuzendariaren biloba da. Historian lizentziatu zen Madrilgo Complutense Unibertsitatean. 2001ean, Gidoi Zinematografikoen ikasketak egin zituen Madrilgo Septima Ars Zinema Eskolan. 2004an, Madrilgo Erkidegoko Zinematografia Eskolan (ECAM) matrikulatu zen, eta fikziozko gidoilari gisa hasi zen bere lehen lanetan.
2008an 8 citas filma zuzendu zuen, Peris Romanorekin elkarlanean. Madrilen grabatutako zinta hori komedia erromantikoa da, zortzi istoriotan oinarritua. Fernando Tejero, Belén Rueda, Verónica Echegui, Jordi Vilches, Raúl Arévalo, Ana Wagener, Miguel Ángel Solá eta Arturo Valls aktoreen lana nabarmentzen da filmean. Malagako Zinemaldian aurkeztu zuten, eta harrera ona izan zuen. 2010ean, ECAMeko hiru kiderekin batera, Caballo Films produkzio-etxea sortu zuen.
Rodrigo Sorogoienek hogei telefilm zuzendu ditu zenbait telesailetarako: Impares (2008), La pecera de Eva (Evaren arrainontzia) (2010), Vida loca (2011) eta Frágiles (2013) .
2013an estreinatu zen Stockholm, Isabel Peña eta Sorogoienen gidoiarekin. Benetako istorioa da, asmo hipererrealista duena. Mikromezenasgoaren bidez finantzatua, zintak 60.000 euroko aurrekontua izan zuen. Aura Garrido eta Javier Pereira dira zintaren protagonistak, eta hiru sari (Zilarrezko Biznagak) irabazi zituen Malagako Zinemaldian. Gainera, aipamen berezia jaso zuen, film onenaren Signis saria eta film onenaren Gazte Epaimahaiaren saria ere. Sorogoienek zuzendari onenaren saria eta gidoi berri onenaren saria jaso zituen, Isabel Peña gidoilariarekin batera. Javier Pereira protagonistetako batek aktore ezagun onenaren Goya saria jaso zuen.
Que Dios nos perdone (2016) filmak, Isabel Peña eta Sorogoienen gidoiarekin, Antonio de la Torre, Roberto Álamo eta Javier Pereira aktoreak izan zituen.
2019ko urtarrilean, Espainiako ustelkeriaren aurkako El reino (Erreinua) filmarekin irabazi zuen Feroz 2019 sariak. Aukerak zituen 10 estatuatxo lortzeko, eta bost lortu zituen filmak: film dramatiko onena, zuzendari onena, aktore protagonista onena (Antonio de la Torre), aktore onena (Luis Zahera) eta gidoi onena Isabel Peñarekin.
2019ko Goya sarietan, zuzendari onenaren eta jatorrizko gidoi onenaren saria irabazi zituen —Isabel-kin— El reino (2018) filmarengatik.
Oscar Sariak | ||||
---|---|---|---|---|
Urtea | Kategoria | Lan izendatua | Emaitza | Erref.: |
2019 | Fikziozko film laburrik onena | Madre | Proposatua |
Goya sariak | ||||
---|---|---|---|---|
Urtea | Kategoria | Lan izendatua | Emaitza | Erref. |
2014 | Zuzendari berri onena | Stockholm | Proposatua | |
2017 | Zuzendari onena | Que dios nos perdone | Proposatua | |
Gidoi originalik onena. | Proposatua | |||
2018 | Fikziozko film laburrik onena | Madre | Irabazlea | |
2019 | Zuzendari onena | El reino | Irabazlea | |
Gidoi originalik onena. | Irabazlea | |||
2023 | Film onena | As bestas | Irabazlea | |
Gidoi originalik onena. | Irabazlea | |||
Zuzendari onena | Irabazlea |
Donostiako Zinemaldia | ||||
---|---|---|---|---|
Urtea | Kategoria | Lan izendatua | Emaitza | Erref.: |
2016 | Epaimahaiaren saria, gidoi onenarentzat | Que Dios nos perdone | Irabazlea |
Urtea | Kategoria | Filma | Emaitza |
---|---|---|---|
2014 | Gidoi onena | Stockholm | Proposatua |
2019 | Gidoi onena | El reino | Irabazlea |
Urtea | Kategoria | Filma | Emaitza |
---|---|---|---|
2013 | Gidoi original onena | Stockholm | Proposatua |
2018 | Gidoi original onena | El reino | Irabazlea |
2019 | Gidoi egokitu onena | Madre | Proposatua |
2022 | Gidoi original onena | As bestas | Irabazlea |
This article uses material from the Wikipedia Euskara article Rodrigo Sorogoyen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.