Peter Paul Montgomery Buttigieg (South Bend, Indiana, 1982ko urtarrilaren 19a) estatubatuar politikaria eta Itsas Armadako militar ohia da, 2021etik Garraiobide idazkaria Joe Biden presidentearen gobernuan.
South Bend hiriko alkatea izan zen 2012tik 2020ra.
Harvard College eta Oxfordeko Unibertsitatean graduatua, McKinsey & Company-n aritu zen hiru urtez enpresa-aholkulari lanetan. 2009tik 2017ra, inteligentzia ofiziala izan zen Itsas Armadaren erreserban. 2014an Afganistango gerrara bidali zuten zazpi hilabetez. Alkate zela, 2015ean, bere homosexualtasuna publikoki adierazi zuen Buttigiegek.
2020ko hauteskundeetan Alderdi Demokrataren AEBetako presidentegai izateko hautagaitza aurkeztu zuen Buttigiegek 2019ko apirilean. Iowako caucus barne-hauteskundeak irabazi zituen, AEBetako bi alderdi nagusietako presidentegai barne-hauteskunde bat irabazten zuen lehen pertsona argi homosexuala bihurtuz. 2020ko martxoan kanpaina bertan behera utzi zuen, eta Joe Bidenen hautagaitza babestu zuen.
2020ko abenduan, Biden hauteskundeen irabazleak Garraiobide idazkari hautagai izendatu zuen Buttigieg. Baieztatua izanik, AEBetako kabinete edo ministro-batzen historian lehen pertsona argi homosexuala da.
This article uses material from the Wikipedia Euskara article Pete Buttigieg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.