Lau teilatu Itoiz taldearen abestia da.
Euskarazko abesti garaikideen artean ezagunenetariko bat da, izan ere, 2005ean Euskal Kanturik Onena saioan bigarren hautatu zuten. 1978an izen bereko Itoiz diskoan kaleratua izan zen. Ordutik hainbat taldek abestiaren bertsioak kaleratu dituzte.
Lau teilatu | |
---|---|
Itoizen musika-lana | |
Egilea(k) | Juan Carlos Perez |
Argitaratze-data | 1978 |
Izenburua | Lau teilatu |
Ezaugarriak | |
Genero artistikoa | pop rock |
Hizkuntza | euskara |
Tonoa | Sol maior |
Deskribapena | |
Honen parte da | Itoiz (diskoa) |
Musikaren aldetik pop musikan ohikoa den bezala, bi alde nabarmen ditu. Alde batetik, abestia bera, formalki aldakorra izan daitekena; bestetik, leloa du, ezaguna den Lau teilatu gainean, Ilargia erdian... esaldiarekin hasten dena:
Diskoko beste abestiek rock progresibo itxura dute, baina Lau teilatu balada motakoa da.
Juan Carlos Pérezek beti esan du euren taldean letrak ez zirela garrantzitsu, musika sortzen zutela eta, ondoren, euskaraz zekien norbaiti eskatzen ziotela letra jartzea. Ezezagunak diren aipamen asko biltzen ditu, adibidez ta zer, ondo? zelan dihoa zure bufanda txuria?. Badira beste batzuk ezagunak direla, adibidez Benito Lertxundik abestutako Maria Solt eta Kastero abestiari egiten dioen erreferentzia. Abesti hori, hala ere, Pierre Topet "Etxahun" koblakariarena da.
Genero askotako hainbat artistak abestia bereganatu dute:
2019an EiTBk urtero egiten duen Maratoian abesti honen bertsioak egin zituzten.
Kantua gogoratuz, Bizkaiko Ea herrian kantu honen omenezko plaza txiki bat dago, Belenengo kalea eta Jesusen kalea elkartzen diren tokian.
This article uses material from the Wikipedia Euskara article Lau teilatu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.