Hobbita

R. R. Tolkienek idatzitako fantasiazko eleberria da. Bilbo Zorrozabal (edo Bilbo Baggins Igela argitaletxearen bertsioari jarraikiz) hobbit etxekoiaren abentura kontatzen da Smaug dragoiaren altxorraren zati bat eskuratzeko. Lehen aldiz 1937ko irailaren 21ean eman zen argitara, eta kritikariek harrera beroa eman zioten. Egun ere estimatua da, umeentzako liburu klasikoa bilakaturik. Euskaraz 2008an argitaratu zen, eta liburuak 2009ko Gasteiz saria irabazi zuen.

Hobbita
Datuak
Idazlea	J. R. R. Tolkien (1937)
Argitaratze-data	1937ko irailaren 21
Generoa	Eleberria
Jatorrizko izenburua	The Hobbit, or There and Back again
Argitaletxea	George Allen & Unwin Limited (en) eta Allen & Unwin (en)
Herrialdea	Erresuma Batua
Ilustratzailea	J. R. R. Tolkien
Orrialdeak	310
Euskaraz
Izenburua	Hobbita
Itzultzailea	Xabier Olarra eta Sergio Ibarrola
Argitaratze-data	2008
Orrialdeak	412
ISBN	978-84-87484-87-2

Bidaian Bilbo etxeko ingurune laño eta gozotik lurralde ilunagora eta arriskutsuagora joaten da, kapitulu gehienetan izaki edo izaki mota berri bat azalduta. Bilbok heldutasun, gaitasun eta jakinduria maila altuagoa lortzen du haren izaeraren alde abenturazale eta lotsagabea onartuz (Took aldea, alegia) eta haren adimena eta zentzua erabiliz.

Liburuaren arrakasta zela eta, Tolkienen argitaletxeak ondokoa konta zezan eskatu zion. Eraztunen Jauna liburuak aurrera egin ahala, Tolkienek Hobbitaren kapitulu bat egokitu behar izan zuen. Aldaketa txiki baina esanguratsu horiek bigarren edizioan sartu ziren. Hurrengo argitalpenetan egindako aldaketak maila txikikoa dira, eta Tolkienen ikuspuntua fantasiazko mundu harekiko aldatu zela islatzen da.