Harold Eugene Edgerton

Harold Eugene Edgerton
Bizitza
Jaiotza	Fremont (Nebraska), 1903ko apirilaren 6a
Herrialdea	Ameriketako Estatu Batuak
Heriotza	Cambridge, 1990eko urtarrilaren 4a (86 urte)
Hobiratze lekua	Mount Auburn Cemetery (en)
Hezkuntza
Heziketa	Massachusetts Institute of Technology 1927) University of Nebraska–Lincoln (en) 1925)
Hizkuntzak	ingelesa
Jarduerak
Jarduerak	argazkilaria, unibertsitateko irakaslea, ingeniaria eta asmatzailea
Enplegatzailea(k)	Massachusetts Institute of Technology
Jasotako sariak	ikusi Teknologiaren eta Berrikuntzaren Domina Nazionala  (1988) Albert A. Michelson Medal  (1969) SPIE Gold Medal  (1981) David Richardson Medal  (1968) Howard N. Potts Medal  (1941) Zientzia Domina Nazionala  (1973) National Inventors Hall of Fame  (1986) Holley Medal  (1973) Progress Medal  (1955) Progress Medal  (1959) Progress Medal  (1964) National Academy of Engineering Founders Award  (1983) Fellow of the American Physical Society Fellow of the American Academy of Arts and Sciences Eugene McDermott Award in the Arts at MIT  (1985)
Kidetza	Arteen eta Zientzien Ameriketako Estatu Batuetako Akademia Ameriketako Estatu Batuetako Zientzien Akademia Nazionala

Lastertasun handiko argazkia eta kamera estroboskopikoa asmatu zituen.

Nebraskako Unibertsitatean egin zituen ingeniaritza elektrikoko ikasketak. 1931n ingeniaritzako doktore-mailara iritsi zen Massachusettseko Teknologia Institutuan (MIT).

1928. urteaz geroztik zentro horretako irakasle izan zen. Argazki-flash mota berri bat asmatu zuen, xenonezkoa, segundo baten milioiren bateko lastertasunaz ireki eta ixten zena. Edgertonen Hodia da gaur egun gehien erabiltzen den flash mota. Flash horren bidez lastertasun handiko argazkiaren inguruko ikerketak egin ahal izan zituen; plater batera erortzen den esne tanta baten edo fruitu bat zeharkatzen duen balaren irudi ospetsuak egin zituen lehena izan zen.

Horrez gainera, lehenengo estroboskopio elektronikoak egin zituen eta Bigarren Mundu Gerran etsaien gudarosteen mugimenduei argazkiak ateratzea ahalbidetzen zuten argazki-unitateak osatu zituen. Gerraren ondoren, Estatu Batuen saio nuklearren argazkiak egiteko arduraduna izan zen, eta sakontasun handian lan egiten zuten urpeko kamerak egin zituen.