Cecilia Domínguez Luis (La Orotava, Tenerife, 1948ko urriaren 17a) kanariar idazlea da.
Cecilia Domínguez Luis | |
---|---|
Bizitza | |
Jaiotzako izen-deiturak | Cecilia Domínguez Luis |
Jaiotza | La Orotava, 1948ko urriaren 17a (75 urte) |
Herrialdea | Espainia |
Hezkuntza | |
Hizkuntzak | gaztelania |
Jarduerak | |
Jarduerak | idazlea |
Jasotako sariak | ikusi
|
Genero artistikoa | eleberria saiakera olerkigintza |
Orotavan jaio zen 1948an. Oso txikitatik zuen idazteko joera, eta 1960an, 12 urterekin, Lehen Saria lortu zuen Taoroko Lizeoak antolatutako lehiaketan eta, urte batzuk geroago, 1964an, Lehiaketa literario-eukaristiko baten Lehen Saria.
1966an Filosofia eta Letrak ikasten hasi zen La Lagunako Unibertsitatean. Urte horretan bertan hil zen bere aita.
1968an Madrilera joan zen eta Artearen Historia ikasten hasi zen Unibertsitate Konplutentsean. Urtebete geroago, Tenerifera itzuli zen ikasten jarraitzeko ezintasuna ikusita. 1980an Irakasle-ikasketak amaitu zituen eta 1987an Filologia Hispanikoan lizentziatu zen La Lagunako Unibertsitatean.
Poesia-liburu, eleberri eta ipuin ugari argitaratu ditu, eta bere lana frantsesera, errumanierara eta alemanera itzuli da. Hizkuntza eta literaturari buruzko Espainiako eta nazioarteko hainbat biltzarretan eta poesia-topaketetan parte hartu du hizlari gisa. Kanariar Uharteetako eta penintsulako egunkari eta aldizkarietan ere argitaratu ditu artikuluak, olerkiak eta ipuinak.
Cuadernos del Ateneo La Lagunako Ateneoko aldizkariko erredakzio batzordeko kidea da. Elkarte horretako lehendakaria izan zen 1999 eta 2001 bitartean. Beste literatura-aldizkari batzuetako erredakzio-kontseiluetako kide ere izan da, hala nola Fetasa eta ACL: Kanarietako Hizkuntza Akademiako aldizkari literarioa.
2011. urtetik Kanarietako Hizkuntza Akademiako kide numerarioa da eta 2013ko ekainean Kanarietako Ikasketen Institutuko kide izendatu zuten. 2015. urtean Kanariar Uharteetako Literatura saria jaso zuen.
This article uses material from the Wikipedia Euskara article Cecilia Domínguez Luis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.