Carlo Giuliani (Erroma, 1978ko martxoaren 14a - Genoa, Italia, 2001eko uztailaren 20a) mugimendu antiglobalizazioko aktibista italiarra zen.
Italiar polizia batek tiroz hil zuen Genoan, G8aren goi bilera batean izan ziren istiluetan, 2001eko uztailaren 20an. Polizia auto batek zapaldu ere egin zuen, tiro haren ondoren.
Carlo Giuliani | |
---|---|
Bizitza | |
Jaiotza | Erroma, 1978ko martxoaren 14a |
Herrialdea | Italia |
Heriotza | Genova, 2001eko uztailaren 20a (23 urte) |
Heriotza modua | giza hilketa: bala zauria |
Hiltzailea | Mario Placanica (en) |
Familia | |
Ama | Haidi Giuliani |
Hezkuntza | |
Hizkuntzak | italiera |
Jarduerak | |
Jarduerak | militante politikoa |
Carlo Giuliani, bere aita eta amarekin bizi zen Righi auzoan. Bere aita, Guiliano Guiliani, CGIL erakundeko sindikalista ospetsua zen. Bere ama Haidi berriz, Comunist Refoundation Partyko kidea izan zen. Carlo, Genoan, G8-aren aurkako istiluen ondorioz hil zen. Bertan, G8-aren aurkako aktibistek eta Polizia Italiarrak, enfrentamentu gogorrak izan zituzten.
Alimonda plazan izandako istiluetan, Carabinierien Land Rover Defender bat bidean harrapatua gelditu zen. Une horretan, plaza militarrez husten ari ziren. Land Roverraren barnean, gidaria eta bi militar gelditu ziren harrapatuak. Manifestariak orduan, autoa harrikatu zuten eta metal edo egurrezko barra batzuekin autoa kolpatzen hasi ziren, kristalak hautsiz.
Une horretan, Carlok su-itzalgailu bat eskutan zuela, bi tiro jaso zituen. Bi tiro hauek, autoaren barrutik burutu zituen polizietako batek. Honen ostean, eta Carlo lurrean zegoela, autoak atzera egin zuen eta Carlo Giulianiren gainetik pasa zen. Autoak, berriz ere aurreraka egin zuenean, bigarren aldiz pasa zen gorpuaren gainetik.
Istiluak gorpuaren inguruan jarraitu zuen, Genoako foro sozialeko anbulantzia bat azaldu zen arte. Bertan, erizain alemaniar bat Carlo berpizten saiatu zen, baina ez zuen lortu eta ondorioz Carlo Giuliani hil egin zen. Honen ostean, polizia lerro bat osatu zuten gorpuaren inguruan Genoako udaletxeko furgoneta batek gorpua eraman zuen arte.
Carlo Giuliani, sinbolo bat bilakatu zen aktibista antiglobalentzat. 2003ko Apirilean, RisorAnziani erakundeak, eskola bat ireki zuen Saharan bere omenez.
2006ko Urrian, Italiako alderdi Komunistak bere senatuko ofizinari Carlo Giuliani izena jarri zion. Iniziatiba honek sekulako eztabaida sortu zuen, batipat, alderdi eskuindar eta Carabinierien ordezkarien artean. Hauek, Giorgio Napolitanori, Estatuko buruzagiari, izendatze hau debekatzeko eskatu zioten. Azkenean, Italiako Errepublikako presidenteak Komunisten alde egin zuen.
Adibide gehiago, Mexikoko Carlo Giuliani Caravana Libertarioan edota Piazza Carlo Giuliani erakundean aurkitu ditzakegu.
Musika munduan, kanta ugari idatzi dira Carlo Giulaniren omenez. Hemen dituzue adibide batzuk
This article uses material from the Wikipedia Euskara article Carlo Giuliani, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.