Cătălina Ponor: Gimnasta artistikoa errumaniarra

Cătălina Ponor
Irudi gehiago
Bizitza
Jaiotza	Konstantza,1987ko abuztuaren 20a(36 urte)
Herrialdea	Errumania
Hezkuntza
Hizkuntzak	errumaniera
Jarduerak
Jarduerak	gimnasta artistikoa
Parte-hartzailea gymnastics at the 2004 Summer Olympics – women's balance beam (en) gymnastics at the 2004 Summer Olympics – women's floor (en) gymnastics at the 2012 Summer Olympics – women's floor (en) gymnastics at the 2016 Summer Olympics (en)
Pisua	51 kilogramo
Altuera	160 zentimetro

Cătălina Ponor (Konstantza, Errumania, 1987ko abuztuaren 20a) errumaniar gimnasta ohia da.

Lurzoruan eta oreka barran aditua. "Oreka-barraren erregina" ere esaten zaio (Queen of Beam).

2002an talde nazionalarekin entrenamendua hasi ondoren, Ponorrek hainbat domina irabazi zituen Errumaniako taldearekin, oreka-barran eta lurzoruan.

2003. urtearen amaiera arte ia ezezaguna zen Ponor, eta gimnasta gisa egindako ibilbidean hainbat lorpen garrantzitsu egin ditu. Bere ibilbidean 2003ko Munduko Txapelketa nabarmendu behar da, bertan zilarrezko domina lortu baitzuen, eta 2004an Europako Gimnasia Lehiaketan eta 2004ko Atenasko Olinpiar Jokoetan urrezko dominak eskuratu zituen.

Olinpiar Jokoen ondoren, Ponor eztabaidetan sartu zen, baina hainbat lehiaketatan lortu zuen arrakasta. 2006ko Europako Txapelketan urrezko domina eskuratu ondoren, Ponorrek erretiroa hartzea erabaki zuen, lesioengatik. Hala ere, berriro ekin zion entrenamenduari, eta, azkenik, Londres 2012ko Olinpiar Jokoetan parte hartu zuen gimnasia artistikoko talde errumaniarrarekin. Taldekakoan brontzezko domina lortu zuen, eta zilarrezkoa, berriz, lurreko ariketan

Azkeneko parte-hartzea 2017ko Europako Txapelketetan izan zuen, Cluj-Napoca herrian, bere herrialdean (Errumania). Emaitza bikaina izan zuen bere kirolari ibilbidearei amaiera emateko. Oreka-barraren banakako amaierarako sailkatu zen, eta urrezko domina lortu zuen, 14.566 puntuazioarekin (6.2 zailtasuna eta 8.366 exekuzioa).

Munduko Kopako beste lehiaketa batzuetan sei domina gehiago lortu zituen, eta horietatik 4 urrezkoak izan ziren. Zehazki, urrezko domina lortu zuen bere espezialitatean: oreka-barran; Birminghan, Ingalaterra, 2006; Doha, Catar 2016; Bakú, Acerbayián 2017. Azken aldiz Dohan parte hartu zuen, Catar 2018, eta zilarrezko domina lortu zuen bere espezialitatean. Birminghanen zilarrezko domina ere lortu zuen 2006an, eta Bakun urrezko domina 2017an.

Maila pertsonalean, 2020ko abuztuan, Instagrameko kontuan Bogdan Ristea Jianurekin ezkonduko zela iragarri zuen