Galtzagorri elkarteak urtean bitan argitaratzen du Behinola, Haur eta Gazte Literaturari eskainitako euskarazko aldizkari bakarra.
Bertan, Haur eta Gazte Literaturari buruzko artikulu eta erreportajeez gain, liburuen iruzkin literarioak biltzen dira.
| Behinola | |
|---|---|
| Mota | Haur eta gazte literaturaren seihilabetekaria |
| Fitxa teknikoa | |
| Hizkuntza | Euskara |
| Argitaratze lekua | Donostia |
| Banaketa | |
| Banatze-eremua | Euskal Herria |
| Salneurria | 10 € |
| Identifikadoreak | |
| ISSN | 1575-8168 |
| galtzagorri.org | |
1999an sortu zuen Galtzagorri Elkarteak Behinola aldizkaria eta harrez gero etenik gabe argitaratu da, sei hilabeteko maiztasunarekin, horrela, 2016an 33. eta 34. zenbakiak kaleratuko ditu.
Aldizkariaren lehen zenbakiko hitzaurrean jasotzen denez, Behinolaren helburua Haur eta Gazte Literaturari falta zitzaion bultzada ematea zen: bultzada kritikoa.
2013ko ekainean 27. zenbakia argitaratu zen. Ordura arte, aldizkari bakoitzak abezedarioko letra bat ordezkatzen zuen. Hau da, lehen zenbakiak A hizkia eta 27 zenbakiak Z hizkia. Zenbaki bakoitzeko azala euskal ilustratzaile batek ilustratzen zuen eta aldizkari hura bere ilustrazioekin hornitzen zen. Halaber, bakoitzak zegokion letraren ilustrazioa egiten zuen hitzaurrerako. Horrela, A hizkia izan zen Jokin Mitxelenarena, B Elena Odriozolarena, C Antton Olariagarena, D Belen Lucasena… eta Z Maite Gurrutxagarena.
Abezedarioko azken letrara heltzean, 27. zenbakian, aro berri bati hasiera ematea erabaki zuen Galtzagorrik. 1999tik diseinu bera mantendu zuen Behinolak eta hori aldatzea erabaki zen. Horregatik 28. zenbakia diseinu berrituarekin argitaratu zen. Kanpotik eta barrutik itxuraldatu den arren, aldizkariaren helburua sorrerako bera da eta Haur eta Gazte Literaturari buruzko aldizkaria izaten jarraitzen du.
Behinola berrian azala ilustratzaile batek ilustratzen jarraitzen du, baina azala eta kontrazala batzen dituen ilustrazioa izaten da. Ilustratzaile berak ilustratzen du aldizkariaren erdian datorren atala ere: Sormenez. Ilustratzaile eta idazle batek elkarrekin sortzen duten lan argitaragabea izaten da. Bada, bai azala-kontrazala eta bai Sormenez izeneko atala aldizkaritik askatzeko gonbitea egiten du Galtzagorrik. Beste atal batean ere (Iruzkinak) guraizeen ikonoa jarriz orrialde horiek ere mozteko iradokitzen da. Aitziber Alonso ilustratzaileak eta Behinola aldizkariko Erredakzio Batzordeko kideak Argia astekariari azaldu zionez, "eskuratu, ikusi eta, zerbait gustatuz gero, ebakitzeko beldurrik emango ez lukeen" aldizkaria izan nahi du.
Datuak: Q12254928
 | Artikulu hau kulturari buruzko zirriborroa da. Wikipedia lagun dezakezu edukia osatuz. |
This article uses material from the Wikipedia Euskara article Behinola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
