Victoria De Los Ángeles
Victoria de los Ángeles LÓPEZ GARCÍA, konata per sia duobla baptonomo Victoria de los Ángeles (naskiĝis en Barcelono la 1-an de novembro 1923, mortis la 15-an de januaro 2005), estis hispana soprano.
| Victoria de los Ángeles | |
|---|---|
 | |
| Persona informo | |
| Naskonomo | Victoria de los Ángeles López García |
| Aliaj nomoj | Victoria de los Ángeles |
| Naskiĝo | 1-an de novembro 1923 en Barcelono |
| Morto | 15-an de januaro 2005 (81-jaraĝa) en Barcelono |
| Mortokialo | korinfarkto |
| Tombo | Montjuïc Cemetery |
| Lingvoj | kataluna • hispana |
| Ŝtataneco | Hispanio |
| Alma mater | Conservatori Superior de Música del Liceu |
| Okupo | |
| Okupo | operkantisto • muzikisto |
Antaŭ Teresa Berganza kaj Montserrat Caballé, Victoria de los Ángeles estis la unua hispana kantistino kun internacia kariero, post la intercivitana milito.
Filino de malriĉa laboristo, ŝi komencis sian karieron en la teatro Liceo de Barcelona, danke al amatora konkurso. Tamen, ŝia internacia kariero vere komenciĝis en 1947, danke al la gajno de premio en la Internacia Konkurso de Ĝenevo.
En 1948 la BBC taskas ŝin kanti la operon La mallonga vivo (hispane: "La vida breve") de Manuel de Falla. Inter ŝiaj plej ŝatataj roloj troviĝas la Marguerite de Fausto (de Charles Gounod), Madame Butterfly aŭ Mimi de La Bohème. Ŝi estis invitita partopreni la vagneran Festivalon de Bayreuth en 1961 kaj 1962, kie ŝi interpretis la rolon de Elisabeth de Tannhäuser.
En la lastaj jaroj ŝi dediĉis sin plejofte al la recitaloj de Lieder (germanaj kantoj), kun speciala pritrakto de la katalunaj komponistoj.
This article uses material from the Wikipedia Esperanto article Victoria de los Ángeles, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.