Tangao
Tangao estas minimumeca kalsoneto, ĉe kiu mankas la flankoj.
Se mankas la dorso, oni nomas tion Ŝnurkalsoneto.
Kvankam dancnudiĝistoj jam portadis tangaon dum jardekoj (kaj pratribanoj dum jarmiloj), ĉi tiu vestaĵo ĝenerale konatiĝis nur en la 1970-aj jaroj, en Sud-Ameriko, precipe en Brazilo, kie ĝi aperis ĉe karnavalaj sambo-dancantoj kaj ekuziĝis kiel bankalsono.
Ĉe kelkaj tangaoj, la zonŝnuro estas en du partoj, kiujn oni kunligas per bantaj nodoj ĉe la koksoj.
Multaj tangaoj estas dekoksaj: la zonŝnuro sidas malalte ĉe la koksoj anstataŭ ĉe la talio.
Ankaŭ aliaj vestaĵoj povas havi tangaecan pugparton: ekzemple ekzistas tangaaj torsujoj kaj bankombineoj.
La nomo tangao venas tra la portugala lingvo el bantua aŭ kimbunda vorto "ntanga" kun la signifo "tuko".
This article uses material from the Wikipedia Esperanto article Tangao, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.