Porminuta Korbatado
Porminuta korbatado estas la rapido de la pulso mezurita per la nombro de kuntirigoj (batoj) fare de la koro por unu minuto (bpm).
La korbatado povas varii laŭ la fizikaj necesoj de la korpo, kiel la neceso absorbi oksigenon kaj ekskrecii karbondioksidon. Ĝi estas kutime egala aŭ proksima al la pulso mezurita je ajna periferia punkto. Agoj kiuj povas okazigi ŝanĝojn estas korpekzercado, dormo, anksio, streso, malsanoj kaj engluto de drogoj.
La American Heart Association asertas, ke la normala korbatado de plenkeskulo en ripozo estas de 60–100 bpm. Takikardio estas tro rapida korbatado, difinita super 100 bpm en ripozo. Bradikardio estas tro malrapida korbatado, difinita sub 60 bpm en ripozo. Dum dormo malrapida korbatado kun indicoj de ĉirkaŭ 40–50 bpm estas ofta kaj konsiderata normala. Kiam la koro ne estas batanta en regula modelo, tio estas referencata kiel aritmio. Nenormaleco de korbatado foje indikas malsanon.
La koro batas en ripoza, trankvila homo 50- ĝis 100-foje minute. Oni povas plej bone mezuri la pulsonombron matene. La trankvila pulso de trejnita eltena sportisto estas de po 32 ĝis 45 batoj por minuto. La kor- kaj pulmo-volumo de tiuj sportistoj estas pli granda ol normala.
Averaĝa trankvila pulso:
- ĉe fetoj: ĉirkaŭ 150/min
- ĉe suĉbeboj: ĉirkaŭ 130/min
- ĉe infanoj: ca. 100/min
- ĉe junuloj: ĉirkaŭ 85/min
- ĉe plenkreskuloj: ĉirkaŭ 70/min
- ĉe olduloj: ĉirkaŭ 90/min
Vidu ankaŭ
- Batoj por minuto, termino por muziko
Notoj
This article uses material from the Wikipedia Esperanto article Porminuta korbatado, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.