Luzacia Montaro
Luzacia montaro (ĉeĥe: Lužické hory, germane: Lausitzer Gebirge) situas en la nordo de Ĉeĥio kaj en la sudoriento de Germanio, proksime al la punkto, kie renkontiĝas la limoj de Ĉeĥio, Germanio kaj Pollando (respektive la historiaj regionoj Bohemio, Saksio kaj Silezio).
- Tiu ĉi artikolo temas pri geomorfologia tutaĵo. Pri protektita pejzaĝa regiono temas artikolo Protektita pejzaĝa regiono Luzacia montaro.
La montaron apudas Bohemia baseno kaj la urbo Česká Lípa en sudokcidento, Bohemia mezmontaro en sudo, Elba Grejsmontaro en nordokcidento, la urboj Zittau kaj Liberec en nordoriento. La rivero Niso, kiu trafluas Liberec kaj preterpasas Zittau, apartigas Luzacian montaron dis de la proksima Izera montaro. Sudoriente najbaras Jeŝteda montaro, ĉeĥe: Ještědské Pohoří, (nomita laŭ la monto Ještěd; 1012 m), kiun tradicie oni rigardis parton de Luzacia Montaro. Ĉiukaze ambaŭ formas parton de la sudetaj montaroj kaj konsistas grandaparte el grejso kaj parte ankaŭ el bazalto, kiuj apogas sin je granita soklo de antaŭkambria origino.
| Luzacia montaro | |
| ĉeĥe: Lužické hory, germane: Lausitzer Gebirge, germane: Góry Łużyckie | |
| montaro | |
 Montopinto de Luzo vintre | |
| Oficiala nomo: Luzacia montaro | |
| Landoj |  Ĉeĥio,  Germanio |
|---|---|
| Regionoj | Liberec Ĉeĥio, Ústí nad Labem Ĉeĥio |
| Distrikto | Distrikto Görlitz Germanio |
| Historiaj regionoj | Bohemio, Saksio, Silezio, Supra Luzacio |
| Parto de | Okcidentaj Sudetoj |
| Akvejo | Kamenice, Ploučnice, Neiße |
| Plej alta punkto | |
| - situo | Luzo |
| - alteco | 793 m s. m. |
| - koordinatoj | 50° 50′ 56″ N 14° 38′ 49″ O / 50.84889 °N, 14.64694 °O |
| Areo | 242,00 km² (24 200 ha) |
| Geologia konsisto | grejso, bazalto |
| Plantaro | fago |
| Horzono | MET (UTC+1) |
| - somera tempo | MET (UTC+2) |
 Situo enkadre de Ĉeĥio | |
 Situo enkadre de Ĉeĥio, Germanio kaj Pollando | |
 Vikimedia Komunejo: Lusatian Mountains | |
 Portalo pri Geografio | |
La plej altaj montoj estas Luzo (sorabe kaj ĉeĥe: Luž; 793 m, esperante: Luzo) kaj Pěnkavčí Vrch (germane: Finkenkoppe; 792 m). Pliaj konataj altaĵoj estas Jedlová (Tannenberg; 774 m), Klíč (Kleiß; 760 m) kaj der Hochwald (750 m), kiuj origine estis vulkanoj.
La germanan parton de Luzacia Montaro oni kutime diferencigas je du partoj kaj nomas ilin Lausitzer Bergland kaj Zittauer Gebirge.
Rilataj temoj
Eksteraj ligiloj
This article uses material from the Wikipedia Esperanto article Luzacia montaro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.