Le Faou: Komunumo en Bretonio

Ĉi tiu artikolo ankoraŭ estas ĝermo pri komunumoj de Finistère. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

Le Faou' prononciĝas le fu : la vorto "faou" prononciĝas "fu" por ĉiuj loknomoj (Le Faou, Chateauneuf-du-Faou, Plonevez-du-Faou, rivero de Le Faou) kaj "fa-u" por ĉiuj personnomoj (Faou, Le Faou), sufiĉe multaj en la regiono.

Le Faou
Komunumo
Lignostrukturaj domoj en la ĉefa strato
Blazono
Oficiala nomo: Le Faou
Ŝtato	Francio
Regiono	Bretonio
Departemento	Finistère
Arondismento	Châteaulin
Kantono	Le Faou (ĉefurbo)
Interkomunumo	Komunumoj de la mara Aulne
Historia regiono	Bretona duklando
Situo	Le Faou
- koordinatoj	48° 17′ 36″ N 04° 10′ 39″ U / 48.29333 °N, 4.17750 °U / 48.29333; -4.17750
Plej alta punkto
- alteco	151 m s. m.
Plej malalta punkto
- alteco	3 m s. m.
Areo	11,85 km² (1 185 ha)
Loĝantaro	1 759 (2009)
Denseco	148,44 loĝ./km²
Dato	2008-2014
Urbestro	Pierre Engelibert
Horzono	MET (UTC+1)
- somera tempo	MET (UTC+2)
Poŝtkodo	29590
INSEE	29053
Situo kadre de Francio
Situo kadre de Finistère
Vikimedia Komunejo: Le Faou
Retpaĝo: Oficiala retpaĝejo

Le Faou estas franca komunumo, situanta en la departemento Finistère kaj en la regiono Bretonio en Francio. Le Faou estas membro kaj sidejo de la regiona natura parko de Armoriko.

Ĝi estas komunumo kun la labelo "unu el la plej belaj vilaĝoj de Francio", atribuata de sendependa asocio por la promocio de la turismaj avantaĝoj de la francaj urbetoj riĉaj je kvalita heredaĵo.

Le Faou venas de la bretonlingva vorto « faou » (fago) aŭ de « pou, pagus » (lando) kaj troveblas estas la sekvantaj nomoj : Le Fou en 1173, Fagus en 1225.

Le Faou devenas de divido de la malnova paroĥo de praa Armoriko Hanvec, kiu estis dividita en subparoĥoj nomataj "trève", tiu de Hanvec kaj tiu de Rosnoën, de kiu Le Faou dependis ĝis en 1803. La komunumo Rumengol estis aldonita al Le Faou en 1970.

Rimarkinda loko kaj privilegia situo

 

Le Faou situas funde de rio en la rodo de Brest, sur la "Rivero de Le Faou", fronte al Landévennec kaj je la kruciĝo de la vojoj RN 165 (E 60) kaj D 42, je 14-metra alteco. La plej proksimaj grandaj urboj estas Plougastel-Daoulas je 16 km, Brest je 31 km, Quimper je 42 km, Crozon je 28 km.
Ĉiutempe, Le Faou situis sur la vojo, komence romia vojo poste reĝa vojo, Quimper-Brest, kiu historie iris tra Quéménéven, Châteaulin, Saint-Ségal, Le Faou, Irvillac, Saint-Urbain, Landerneau, Saint-Divy kaj Guipavas. La romia vojo iranta de Vorgium (Carhaix al la pinto de Dinan en la duoninsulo de Crozon, tra Brasparts, evitis Le Faou, iranta tra Rosnoën, la rivero Aulne estis transirebla per pramo en Térénez. Tiu kruciĝeja rolo klarigas la artmetian kaj komercan tradicion de la urbeto, kiu kontrastas kun la ĉirkaŭaj kamparaj vilaĝoj, eĉ laŭ la tradiciaj kostumoj surmetataj de ĝiaj loĝantoj. La kaŝtana koloro de la virkostumoj klarigas la esprimon pays rouzic donatan al la regiono de Le Faou, inkluzivanta Argol, Châteaulin, Dinéault, Gouézec, Landévennec, Le Faou, Lopérec, Pont-de-Buis-lès-Quimerc'h, Port-Launay, Rosnoën, Saint-Coulitz, Saint-Rivoal, Saint-Ségal kaj Trégarvan.

Ĉirkaŭ Le Faou

Hôpital-Camfrout, Rodo de Brest	Hanvec	Hanvec
Landévennec, Duoninsulo de Crozon		Rumengol, Hanvec, Arbaro de Cranou, Menez Are
Rosnoën, Aulne	Rosnoën	Pont-de-Buis-lès-Quimerch

 

Geometrie, Le Faou estas la centra loko de la departemento Finistère. En 1970, la malnova komunumo Rumengol estis integrita en Le Faou. Tamen la komunumo restas je modesta surfaco : 11,85 km². Ĝi estas la ĉefurbo de la kantono de Le Faou.

La rivero de Le Faou

 

La "Rivero de Le Faou" (aŭ bretonlingve Ster Goz) estas malgranda rivero (nomata la Coatalan en sia supra parto), kiu fontas apud la domgrupo Labon en Quimerc'h, trairas la arbaron de Cranou kaj enfluas en la rodo de Brest tra rio larĝa je 500 ĝis 1 000 metroj. Ĝi longas je proksimume 17 kilometroj. Je malalta tajdo, oni povas konsideri ĝin kiel alfluanto de la rivero Aulne, tiel estis konstante en la pasinteco kiam la marnivelo estis pli malalta je pluraj dekoj da metroj dum la lastaj grandaj kvarternaraj glaciepokoj de Riss kaj de Wurm.

•  
  La "Rivero de Le Faou" je malalta tajdo : rio
•  
  Le Faou kaj la buŝo de la "Rivero de Le Faou" je malalta tajdo
•  
  Le Faou : la Rivero de Le Faou (vido alsupren de la ponto)
•  
  Le Faou : la Rivero de Le Faou (vido malsupren al la buŝo de la ponto kaj la kajo de la haveno)

 

Antikveco

Ponardo « feraj klingo kaj tranĉiltigo, bronzaj ingo kaj tenilo, altreliefe ornamitaj » estis trovita apud Le Faou. Ĝi troviĝas en la nacia arkeologia muzeo de Saint-Germain-en-Laye. Atribuita unue al la romianoj, temas verŝajne pri kelta bretona ponardo.

Mezepoko

Sankta Genole kaj ties disĉiploj, el kiuj sankta Jaoua

Laŭ la ĉartaro de Landévennec, en ĉ. 490, sankta Genole ŝajnas estis albordiĝinta kun ties disĉiploj apud Landévennec por fondi tie abatejon. Laŭ legendo, li unue vivis sur la insulo Tibidy. Poste iuj el liaj kompanoj kiaj sankta Ethbin, sankta Balay (aŭ Walay) kaj sankta Marteno (ne konfuziĝu kun Marteno de Tours) deiris kun lia permeso « por vivi solece en Ploërmellac apud Le Faou kaj ke antaŭ ilia procesio, ili estis senjoroj de Rosmeur kaj de Rosmadeuc ».
La legendo diras ke senjoro de Le Faou, ankoraŭ pagano, dufoje krimis en la preĝejo de Daoulas :

La frua mezepoko

 

La vizito de Napoleono la Tria

 

Kadre de sia vojaĝo en Bretonio, Napoleono la Tria, venanta de Landerneau kaj iranta al Quimper, haltis dum iom da tempo en Le Faou en la 12-a de aŭgusto 1858.

 

Priskribo de Le Faou meze de la 19-a jc

 

Priskriboj de Le Faou fine de la 19-a jc

 

 

  Modbury en Unuiĝinta Reĝlando (Britio)

Bibliografio

• Christel Douard, Erwan Le Bris du Rest, Catherine Toscer-Vogel, france Entre mer et fleuve, Le Faou et son canton ; Asocio por la inventaro de Bretonio, kol. Images du Patrimoine, Rennes, 1998.

Eksteraj ligiloj

• Oficiala retpaĝejo de la urbodomo Arkivigite je 2007-12-17 per la retarkivo Wayback Machine
• Inventaro de la heredaĵo^{[rompita ligilo]}
• Retkamerao : Vidu la renovigon de la sonorilturo de Le Faou Arkivigite je 2013-09-28 per la retarkivo Wayback Machine

Internaj ligiloj

• Komunumoj de Finistère
• Pardonprocesio de Rumengol

	Portalo pri Finistère
	Portalo pri komunumoj de Francio