Kastelo Caernarfon
Kastelo Caernarfon estas kastelo en Caernarfon, Kimrio.
Ĝi estas monda heredaĵo de Unesko. Ĝi okupas strategian lokon, rigardante trans la markolo Menai inter la ĉeflando de Kimrio kaj la insulo Môn. Kie la kastelo nun staras antaŭe estis romia fortikaĵo, kaj poste pli malforta normanda kastelo konstruita ĉirkaŭ 1090.
| Kastelo Caernarfon | ||
|---|---|---|
| kastelo | ||
 | ||
| burgo • arkeologia loko • vidindaĵo [+] | ||
| Supermara alteco | 9,6 m [+] | |
| Koordinatoj | , 4° 16′ 37″ U 53.139306-4.27688953° 8′ 22″ N, 4° 16′ 37″ U | |
| Areo | 0,06 km² (6 ha) [+] | |
| Arkitekto | Jakobo de Sankta Georgo | |
| Estiĝo | 1283 | |
| ||
| Kastelo Caernarfon | ||
 Vikimedia Komunejo: Caernarfon Castle [+] | ||
| En TTT: Oficiala retejo [+] | ||
La kastelo estas inter la plej imponaj restantaj kasteloj de Britio, kaj viziteblas.
Historio
La kastelo konstruiĝis tuj post kiam Eduardo la 1-a (Anglio) konkeris nordan Kimrion en 1283. Konstraudo daŭris ĝis 1323, sed neniam finiĝis: videblas lokoj kie oni planis aldoni pluajn ŝtonajn murojn. Eduardo la 1-a estis krucmilitinto kaj laŭdire la murplano imitis tiun de Konstantinopolo.
En 1284, frue dum la konstruado, Eduardo la 2-a (Anglio) naskiĝis ĉe la kastelo.
Dum kimra ribelo de 1294-1295 la kastelo kaptiĝis sed post nelonge la angloj regajnis ĝin. En 1403 kaj 1404 Owain Glyndŵr malsukcese sieĝis ĝin.
En 1646, dum la angla enlanda milito, reĝa garnizono cedis al parlamenta armeo.
Investituro de Princoj de Kimrio
En 1301 estiĝis tradicio per kiu la plej aĝa filo de la angla monarko nomumiĝis princo de Kimrio kaj la unua investituro okazis ĉe Kastelo Caernarfon. Tie en 1911 kaj 1969 la estonta Eduardo la 8-a (Britio) kaj Karlo, princo de Kimrio nomumiĝis princo de Kimrio.
This article uses material from the Wikipedia Esperanto article Kastelo Caernarfon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.