Kantono Napa: Kantono en Kalifornio, Usono
La Kantono Napa (angle Napa County) estas kantono de Usono en la subŝtato Kalifornio.
Ĝi situas norde de la Golfo de San-Francisko.Laŭ la stato de la censo 2020 en la kantono vivis 138 019 loĝantoj sur areo de 2 042 kvadrataj kilometroj, kio rezultigas loĝdenson de 68 loĝantoj/km². Ĝia ĉefurbo estas Napa. La kantono estas parto de la urbega "Areo Golfo de San-Francisko". La vorto "Napa" venas el loka indiana lingvo kaj probable tradukatas "domo".
| Napa (Kalifornio) | |
 | |
| Mapo | |
 Situo en Kalifornio | |
 | |
| Statistikaĵoj | |
| Fondita | 1850 |
|---|---|
| Ŝtato | Usono |
| Subŝtato |  Kalifornio |
| Ĉefurbo | Napa |
| Areo - Sume - Tero - Akvo | 2 042 km² 1 953 km² 89 km² |
| Loĝantaro - Censo en 2020: - Loĝdenso: | 138 019 64 / km² |
| Horzono: | Pacifika tempo |
| Retejo: www.co.napa.ca.org | |
Pro la mediteranea klimato en la Napa-valo bone kultiveblas vitejoj. La kantono sekve konatas pro elstare kvalita vinproduktado. Aparte produktiĝas la vinspecoj Chardonnay, Cabernet Sauvignon kaj Zinfandel.
Pro la pitoreska pejzaĝo, la agrabla klimato kaj la proksimeco al la urbo San-Francisko, la Napa-valo estas preferata loĝregiono. La loĝdenso tamen restas relative malalta, ĉar multaj familioj kiuj jam dum pluraj generacioj loĝas en la kantono skeptike juĝas la ekloĝon de urbanoj, kaj ĉar senteblas sociaj tensioj inter la loĝantoj de luksaj vilaoj borde de la Golfo de San-Francisko en la sudo de la kantono, kaj la malpliriĉaj laboristoj, je granda parto hispanlingvaj, en kaj ĉirkaŭ la kantona ĉefurbo Napa.
En la Napa-valo interalie situas la urboj Americal Canyon, Angwin, Calistoga, Deer Park, St. Helena kaj Yountville.
Vinfarejaj palacoj
En la kantono, aparte en la ĉefurbo Napa, rigardeblas pluraj pompaj vinfarejaj palacoj, aranĝitaj kiel historiecaj kasteloj, vilaoj aŭ temploj.
.jpg) kastelo de vinfarejo Carneros | .jpg) palaco de vinfarejo Darioush |
Vidu ankaŭ
This article uses material from the Wikipedia Esperanto article Kantono Napa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.